ПЕРЕЙТИ на главную страницу творений свт. Димитрия
ПЕРЕЙТИ на сборник Размышления для возгревания
(или Комедія на Успіння Богородиці)
(Озвучено Никой)
Действие 1. Повествование об успении Богородицы
Явление 1-е (Излагается видение Иаковом лестницы, содержит истолкование библейского прообразования о Богородице)
Явление 2-е (Описание успения Богоматери)
Явление 3-е (Плач христианской Церкви о Ее Кончине, утешения ей, Ее взятие на Небо и прославление Ее ангелами)
Явление 4-е (Передан эпизод о неверии Фомы, заканчивающий историю успения и взятия на небо Богоматери)
Явление 5-е. (Плач о лишении земли благодати в лице Богородицы, и утешение Ее в том, что Мария отныне будет и на Небеси заступницей человека)
🎧Действие 2. Грешник кающийся
Явление 1-е (Отчаяние грешника о спасении и гнев Божий на него)
Явление 2-е (Покаянные воздыхания грешника в темнице и обращение к Божией Матери)
Явление 3-е (Суд и спасение по молитве Богородицы)
Явление 4-е (Благодарение грешника)
Явление 5-е (Апофеоз Богоматери: олицетворенные Власть, Митра Церкви, Венец и т.д. возносят хвалы Богородице, преклоняются пред Нею)
Иаков:
―Юный есм близ женитви—имя ми Ияков,—
Над Исава любезнейший есм сын Исааков;
Дед мой бяше Авраам, друг Божий названый.
В той день, егда Исаак, отрок Богом данный,
5. От него связан в жертву Богу принесеся,
Овен заклан быст, отец мой жив соблюдеся:
Довлело Богу сведат Авраамлю веру
И против тоя воздат праведничу меру.
Таковаго есм рода, простете, хвалюся:
10. Не вам, но да Рахи красной полюблюся.
Не весте ли моего пути, граду камо?
В Междоречье иду, Лаван живет тамо,
Брат матере моея, а в него дщи чиста:
Та ми возлюбися, та будет ми невеста.
15. Нарочно к ней послал мя честный мой родитель,—
Рекл ми: ,,вежд, яко сице хощет Сотворитель,
Да не поймеши жени с дщерей Ханаанских,
Да не научишися от них дел поганских“. //
Граду убо в ту страну: кто весть путь, скажите,
20. Хощете ли, и с нами на свадьбу пойдете,
Прошу—рад буду, и Лаваны вас приймет,
Яко приятелей своих любезне обиймет.
Но уже от долгаго пути утрудихся,
В весь день знойный шествовах спешно, не ленихся;
25. Пора уже почити: день ся прекланяет
И сон узненую главу отягчает.
Положуся, спать хощу, земля одр ми буди,
Камень сей возглавием. Простете мя, люди,
Егда усну сладце, молю, не будете,
30. От молви престаните, ниже гомоните.
Пеніе:
―Праведних мужи род благословится,
От рода в роды племя умножится:
Праведних своих Бог не оставляет,
35. Но соблюдает.
Сам Бог параним праведничу сину
О целомудрном сам печется вину:
Той Иакову сам чистому чисту
Взиска невесту,
40. На шествующа више призивает,
Почивающу небо отверзает,
Ангелов посла спяща осенити,
В пути хранити. //
Ангел з небом:
―45. Аще ли спиши твердо, Исааков сыне,
Обаче внемли, яже возвестим ти ныне:
Бог отец твоих послал нас благовестити,
Яко семя от тебе хощет возрастити,
Наполнится им восток, и запад полн буде,
50. На севери и юзе твои будут люде.
Зри умнима очима высоту небесну,
Отсюду уразумей истинну нелестну:
Можеши ли звездное число изчитати?
Ниже и чад твоих можеш в един лик собрати.
55. Ангел з землею:
―Возри на долную твар, юноше блаженный,
Изочти песок воскрай мора положенный:
Можеш ли изчести песка есть колико?
От чресл твоих изийдет племени толико:
60. Рувим, Симеон, Леввий, Юда с Завулоном
Твоим в мир сей видимий произийдут лоном,
Исахар, Дан, Гад, Ассир, Нефалим явленний
От жен ныне синове; а от возлюбленный
Рахили, к нейже градеш, Иосиф краснейший
65. Будет и Вениямин, сын твой последнейший.
От тех дванадесяти роди безчисленны
Изийдут вишним Богом ублагословенны.
Паки 1-й Ангел:
―А наипаче в то время возблагословится
70. О тебе род человеч, егда проявится
От племени твоего семя таковое,
Еже в лице едино сберет естеств двое:
Бога з чловеком вместо совокупит;
Та двойна единица род земний искупит.
75. Сие ти возвестивши, безплотную ногу
Обращем воскоре ко пославшему ны Богу. //
Паки пеніе:
―Не бойся, честний внук Авраамов,
Лучши твой есть сон, нежели Адамов,
80. Спящу бо тому ребро отворися,
Жена родися;
Тебе же спящу отверзеся небо,
И восход готовь ко небеси, се бо
Лествица з земли до небес досязает,
85. Ко Богу дерзает.
Лествица дщер ти, а степенни—дела
Добрии, яже будет ти дева,
Девая пречиста; тою все спасемся,
В небо подведемся.
90. Яков:
―Что се за видение страшно и ужасно,
Пресладце мне уснувшу явися напрасно?
Не вем, бех ли на небе или зде на земли,
Таков сон зревш, емуже всяк человек внемли:
95. Видех и сие: лествица себе утверждаше
На земли, главою небес досязаше,
Ангели же божии по ней низхождаху
С неба семо и паки в небо возхождаху.
Егда же утвержденна узрех на ней Бога,
100. Абие исполнихся ужаса премнога;
Еще же и слух глаголы пения слышаше,
Но млад ми ум не объял, сном бо объят бяше.
О, аще бы кто милость ныне благоутробну!
Явивши, сказал тайну видену подробну!
105. Дух :
―Что аки сетуеши, Исааков сыне?
Отца своего любимий, Якове едине!
Іаков:
―Кто ты? како мя знаешь Исаакова сина?
110. Случай ти ниже вина знати мя едина. //
Дух:
―Аз есм дух пророческий, аз отца ти знаю
И деда Авраама, имже откриваю
Един божия тайни о вещех будущих,
115. О Бозе с человеком и о ныне сущих,
Якоже и ти нине видел еси нине,
Имущ взглавие камень и спящ на долине.
Сие ти открити, аще хощеш, аз могу открити.
Iаков:
―120. Аще так ест, первее изволь объяснити:
Что видел есм и колико и кая утвари,
Коими тыя вещи украшенны шари?
Сия аще ми можешь таинства открити,
Уверую духа тя пророческа быти.
125. Дух:
―Видал еси лествицу в земли утвержденну,
Главою в самое небо возведенну;
По ней красние юноши нисхождаху с неба
И паки восхождаху до пресветла Феба.
130. На той лествици Господь себе утверждаше,
Десницею мишцею всех благословяше.Iаков:
―Истинну изрекл еси, дух благоразумний;
От словес ти паки зрак то виде мой умний:
135. Не пророческ дух еси, паче рещи, Бога,
Иже его таинства откриваешь многа:
Сего ради вию ти мою прекланяю,
Да тайну ми ту явишь, смиренно умоляю,
Аз же любве твоея во век не забуду,
140. О Бозе тя хвалити непрестанно буду //.
Ангел:
―Тайна сия велия, но внимай прилежно:
Лествица, стоящая на земли недвижно,
Значит деву чистую: та будет ти племя.
145. Чрез ту, аки лествицу, в последнее время
Великаго совета Ангел с небес снийдет,
Да человек ангельскій на небо возийдет.
Господь же на лествицы оной утвержденний—
Разумей, яко того сын Бог воплощенний,
150. Емуже вселившуся в лествицу мысленну
Никогда же от Отца быти разлученну.
Бог в лествици утвержден бе, в деву вселися:
Чрез ту Бог человеком человек обожися.
Та лествица к небеси, имей ко мне веру,
155. Чрез море мір, к небеси мостом будет міру.
Ты убо благодарен Богу быти тщися,
Яко тако изволил о тебе пещися.
Паки реку: тобою буди Бог хвалимий,
Аз же от тебе буду скоро невидимий.
Iаков:
―160. Благодарствую тебе за откровеніе,
Из(ъ)явившу от Бога мне благословеніе.
Буди благословены, Боже мой, во веки,
Призирающій с небес на вся человеки,
Еже о мне усмотрев, в воли твоей буди.
165. Смиреннаго мя раба твойго не забуди! //
Весть:
―От Ерусалима зде Весть есм исправленна,
Нарочно сими крили уперенна,
170. Да теми прелетаю чрез всю подсолнечну
И всем весть потребну возвещу конечну,
На востоце, западе, севери и мори
Буду облетая все дебри і гори:
Исповем, како Дева Маріа пречиста,
175. Неневестная в веки мати и невеста,
Живши лета доволна в дому Иоана
Девственника, ко Сину и Богу позвана:
На горе Елеонсте егда Дева свята
Молитствоваше, дабы с земних была взята,
180. По прилежной молитве умилно ридаше,
Ко Сину си и Богу сице глаголаше:
«Доколе мя в сем міре мрачном держишь, Сину,
В немже не зрящи Тебе аз сетую вину?
Доколе сладчайшое лице Твое зрети
185. Не велишь матери в неприступном свети?
Прийми мя, сладкий Сину, матерь и рабыню,
Сину мой и Боже мой, яви милостиню!»—
Тогда предста Гавріил, ея благовестник,
Превожделен с небеси успения вестник,
190. Глаголющи: «Радуйся, мати благодатна!
Богу твоя молитва зело есть приятна;
Иже ти принес глагол благовещенія,
Нине паки приношу весть твойго успенія: //
Ждет тя Син твой с ангели, о Дево пресвята;
195. Тем по триех днех будешь (на) небеса взята.
Сей в знамение вравий тебе посилает,
Яко с жителми небо всеми тебе чает!»
Девая же радости толика исполнися,
Яко лице ея паче солнца просветися.
200. О чесом зело Богу благодарствоваше,
Еще же при безсмертной смерти зрет желаше
Святыи апостоли, в мире разсеяны,
Даби к погребению ей были собранны,
Найпаче с ангели Сина поспешити,
205. Емуже святу душу хотяше вручити.
Возвратившей же ся в дом Деве и царицы,
Мановеніем Бога бяху ученицы
Собранные; но при скорби все себе творяху,
Егда царицу си близ успенія зряху,
210. Но Девая пречиста скорбных утешаше
И с небес призивати на них обещаше.
Нинешнего же числа, егда прійде время
Земленнаго жития низходити бремя.
Возлеже Пресвятая на одр свой прекрасний—
215. И абіе храмину облиста свет ясний:
И се царь славы Христос со ангели внийде,
3 душами пророк, отцев свет ко одру прийде
Глаголющ: ,»Прийди, ближняя, прийди, голубице,
Прийди, ми прелюбезна мати и девице,
220. Внийди, прелюбезная, во вечную славу,
Восприйми (венецъ?) светлий на Девичю главу»
Девая же любезне на Сина взираше,
Сію же обче песнь весело пояще: //
«Величит душа моя Господа и Бога,
225. От негоже благая восприях иремнога».
«Воспріях», рекши, даде душу в руце Сину.
Он, аки маргариту пріемши едину,
Возносит руками си з лики святых ангел
И водворяет в небе вышше всех архангел.
230. Таможде потом случи и святое тело,
Дабы с ним душа радост едину имело.
Апостоли же тело гробу предадоша
И то чрез оружіе в Гепсиман несоша,
Іоан ветв, инны свещи впред ношаху,
235. Инны аллилуіа со псалмы пояху.
Ту воздух благовони зело исполнися,
Чесому Ерусалим вес град удивися.
Книжники, старцы, иже врази Христу быша,
Единаго от себе тогда наустиша,
240. Да тот гроб опровержет со пречистым телом.
Егда же хотел слово сотворити делом,
Ангелом злаго руце усеченны бяху
И при пречистом гробе дотоле висяху,
Донеле же неверный зостал уверенный,
245. Христу и святой Деве сердцем покоренный,
Таже обоим рукам пріат исцеление,
Себе же и прочиим грешившим прощеніе.
Сиде егда с великим чудом гроб несоша
И горы Елеонской честно достигоша,
250. Погребоша вверх горы пресвятое тело,
На небо там з душею дабы честь имело.
Сие же дух вам веща, усилно желает,
Да ея успенію всяк поклон отдает. //
Сіе вам возвестивши, иду возвещали
255. Живущим во пустинях, звикшимся скитати.
Кто есть зде скитаяйся промежду зверати,
Изийди: имам нечто тебе глаголати.
Пустинник:
―Кто еси и откуду ко мне ест присланна?
260. Не искушай грешника за делом не званна.
Весть:
―Аз есм Весть и не прийдох тебе искушати,
Но в міре весть новую тебе возвещати.
Eremita:
―265. Изийдох от Міра, мірских вестей не желаю.
Весть:
―Весть ту не токмо мірским, вам полезно, знаю,
Не медли ми времени, не медли, желаю.
Пустинник:
―270. Се о имени Христа к тебе исхождаю.
Весть:
―Весть от Іерусалима везде есм посланна,
Дабы чрез мя Девая была возвещанна,
Яже днес преставися ко горнему Сиону
275. И приобщения в вечной славе Сина орону.
Пустинник:
―Тако с звестію старость мою оскорбыла;
Лучше бы, дабы днес тако не приходила!
Престарелая слезми полна ми зеница,
280. Яко наша всех умре Госпожа Царица.
Весть:
―Не сетуй о сем, старче, паче веселися:
Не умре, но к жизни в жизнь вечну преселися,
В безконечныя веки там з Сином царствует,
285. От негоже нам милость всем ходатайствует.
Ты же, о трудолюбие, усердно потщися
Ко Маріи о міре всем днес помолися, //
Да всех уверует всех Царя Христа мати.
Аз же иду прочиим сіе возвещати.
Пустинник глаголет Тропарь:
―290. В рождестве девство сохранила еси и проч.
Плач церковный:
―Мати Бога пречиста, нине преставленна
295. И от долних в горняя славно пренесенна.
Церков по ней оставши в сиротстве рыдает,
В риданіи же сія словеса вещает:
«Церков Христа Ісуса есмь первоначална,
Искупленна кровію Бога безначална.
300. Глава ми сам ест Христос, а прочии уды
Вси, иже по вселенной христіянски люди.
Первенствующая есмь: в апостол бо лета
Начахся, умножихся и до конца света
Пребуду, донележе север и юг веют,
305. И адовы мя врата не преодолеют.
Но, увы, рыдаеія многа исполнихся,
Сугубыя утехи в жизни сей лишихся,
Лишихся выдымыя плотскими очима
Главы, Христа, егоже не токмо моима
310. Зеницами созерцах, но и руце наша
С нами быша, на земли честно осязаша.
Нине же не вижду и разве веры оком
Седяща на престоле зрю в небе высоком.
Обаче отрада ми во печалех бяше:
315. Мати Бога моего на земли живяше,
Живяше во Сіоне в дому Заведеа,
Идеже быст столица всеа Іудеа. //
Тамо поят в свояси Іоан Пречисту
И имеяше ону в матер себе исту,
Тамо бо ему Ісус, на кресте висящи,
320. Заповеда, глаголав ко обоим зрящи:
«Жено, се син твой буди, се же твоя мати,
Іоане, вежд же ю како почитати!»
От того часу Дева Іоану бяше
Мати, си в дому того доселе живяше,
325. Не токмо же ему, но и всем церкве тая
Мати бяше Маріа, Дева пречистая.
Елицы бо юнии и елицы стары—
Вси взимаху от нея духовныя дары,
Вси к ней во всяких нуждах своих притекаху,
330. Вси от нея утеху радост имеяху.
Христа зреха мнехомся, глаголю не лестно,
И егда вси на нея зрехом лице честно,
Вса убо в ней подобью быст Ісус Христово,
Вес нрав, вес дух и вес чин: и дело, и слово,
335. И ни в чем же со Сином Мати разнствоваше,
Разве токмо божества ей недостояше.
Радовахомся убо зряще ю на мнозе,
Инако возлагахом надежду по Бозе;
Нине же возлагахом мне, се осиротехом,
340. Лишихомся надежди, юже в ней имехом:
Умре наша надежда в дому Іоанна.
И уже сошедшися апостолы святы,
Тело хотящ абые на рамена взяты
345. И отнести погребсти в веси Гепсиманстей
Плачуще, вновь собранней церкви християнстей:
Преставися от земних милосердна Мати:
Кто нам во сиротсве будет кто милость являти? //
К кому притекут скорбные и в бедах елицы?
350. К кому Девы матере вдовицы?
Кто утешит плачущих, нищих и печалних
Словом, делом ввеселит кто ближних и далних?
Увы мне, мертвы уста сладко-глаголивы,
Мертвы руце честные щедро-податливы,
355. Мертвы очи, любезно яже всех зряху,
Мертвы и нозе, яже болных посещаху,
Мертвы ушеса, яже слышаху моленія,
Никто же тощ от(ъ)иде, не пріем прощенія,
Честны перси девичи, яже Христа Бога
360. Млеком питаша, мертвы, уви, туга многа!
Кто даст главе слези, кто даст очам воды,
Да плачу в день и в нощи в безконечны годы!
О Іеремее, ты в слезах обылнейший,
Плакавш плачем великим иногда древнейший,
365. Егда Герусалим разоренный бяше!
Нине, разорение узрев сие наше,
Помози нам плакати и рыдати,се бо
Мати наша от(ъ)иде душею на небо,
Нам оставила мертво пречистое тело,
370. Еже жизни дателя Ісуса носило!
Увы нам, о Госпоже, уви нам, о Мати,
Где ино прибежище имамы взискати?
О, кто бы нам дал те, дабы нам умерети
И при гробе матернем погребенным быти?
375. По первом пеніи изыдет Утешеніе с именем Маріиным:
―Что плачеши и почто тол горце ридаеш,
Божіа смотренія и тайны не знаешь?
Не знаеши ли, яко тако подобаше,
Да лучше устроится спасеніе наше? //
380. Первое Христос взийде на небо Спаситель,
Да послется на землю Дух свят утешитель.
Таже по пятдесят лет и святая Дева
По Христе в небо пойде Мати Бога жива,
Пойде престолу в славе Божію предстати,
385. Пойде о всех нас вину ходотайствовати.
Аще бы Спаситель наш в небо не вознесеся,
Утешитель бы Дух свят земним не принесеся.
Аще бы и Маріа не отошла ко Богу,
Кто бы ходатайствовал милость нам премногу?
390. Кто бы на ны гнев Божий возмог утолити?
Кто бы Бога на милость возмог преклонити?
Еще и сіе вежд, яко юже зриши
Спящу Деву на одре и мертвую мниши,
Та в третий день воскреснет подобыем Сина,
395. Воскресшаго от гроба: та бо ест едина,
Ея же не может гроб и смерть удержати;
Смерть всех пожерши имат от нея бежати,
А Дева со плотію ангеламы взята,
Славно несома будет в небесныя врата.
400. Плач:
―Верую словесам ти, о друже любезний,
Но внутрь рыдати сердцу велит дух мой слезний,
Ридати велит, ибо телесное око
Уже зрети не будет седшую высоко.
405. Лицезреніа ея мне ся наслаждати
Уже невозможно ест, на земли ея ждати.
Многое время жизни будущия требе,
Когда царствующую узрю ю на небе. //
Утешеніе:
410. Внутрным оком, верою, взирай наню выну,
Виждь соцарствующую Христу Богу Сину;
Колико в сердцу твоем ощутиши,
Толику оттоль радост в то время узриши.
Токмо да не от(ъ)ийдет от мисли твоея
415. Памят, имя и милость Владычицы сея,
Всегда незабвенно ю имей пред очима,
Аки ту сущу, зрящи внутрними твоима,
Да имевши же ю всегда незабвенну
В уме, в сердцы и в души памят ублаженну.
420. Сіе, еже видиши, имя пречестнейшо,
Прийми, и будет тебе над все полезнМшо.
Прийми любезно сіе от руки моея
Во утоленіе всея печали твоея:
Імя Деви Маріі златом начертанно,
425. Еже при зачатии с небеси быст данно;
Імя те златое, но дражайше злата;
Против сего имени вес мір хуже блата.
Сіе еще твоему сердцу усладиши,
Никія же печали отселе узриши.
430. Плач:
―Благодарствую тебе отроку разумну,
Яко простерл еси к нам беседу умну,
Еюже претворися в радост печал наша.
И уже ми очеса от плача престаша,
435. Пріемлю же и имя преблагословенно:
То ми ест вожделенно, то ми возлюбленно,
На то буду очима и сердцем взирати,
Тем всяку пелинну горест услаждати.
Утешеніе:
―440. Хощеши и еще утешно что зрети,
Пожди мало: приведу и прочия дети, //
Приведу носящія знаменія тыи,
Яже изобразиша пророцы святии,
Како име быть в Деве Слово воплощенно.
445. Плач:
―Хощу, брате, жду, токмо веди немедленно.
О, Дево, пресвятая, видя тебе ясно
На одре сем лежащу, сердце ми ужасно!
Удивляюся, како мертвост прикоснуся
450. Источнику жизненну, что ужаснуся.
О, воистинну сіе ест преудивленно,
Яко мертвостію жизнь вечну покровенно.
Пеніе. Взийдет Утешеніе со Вравием и со отроки:
―455. Се приведох ти сія отроки з Сиона,
Иже часте бываху близко Елеона,
Идеже Пречистая сама восхождаше,
Моленія ко Богу своя приношаше,
Да поймет ю от земных в небесную обител
460. Возлюбленный Син ея Господь вседержител.
Мы зрехом здалече, и се отверзеся
Небо, зрящу то ум, сердце ужасеся:
Исхождаше с высоти ангел светел красен,
«Радуйся» приносящий вестник доброгласен,
465. Имущ в руце вравие не земнаго сада,
Но от нетлена честна райска вертограда
Подобно сего, но не соравленно
Краснейшо: то бо свышше, а сіе земленно,
Еже вдав в руце Деве, радостне вещаше:
470. «Гради, цвете прекрасный, гряди—глаголаше—
Внийди в радост Господню, в горняя вселися,
От земних в небесная скоро преселися».
А якоже вравіе сіе ест нетленно,
Сице чисто тело будет не изменно:
475. Не даст бо тому Господь и тленія зрети,
В немже аз изволил ест долго время жити. //
Плач:
―Покланяюся, славлю, чту и ублажаю,
Рыдаше од сердца и плач отлагаю.
480. Аще бы пребывшая в рождестве Дева
Пребывает истинно и по смерти жива,
Кая убо потреба о ней толь рыдати?
Аще не оставила детем своим мати,
Довлеет нам то, яко, егда ся кончала,
485. Не оставите міра сего обещала,
Но милосердним оком призирати свишше,
Да живот имут люди, да имут и лишше.
Со радостію убо честне послужемо
Погребенію ея, ко гробу несомо
490. Тело богопріятно и положим во гробе,
Не на долг час; но силно Іона в утробе
Китовой быст и паки жив изшед оттуду:
Образ вознесенья сотворися всюду.
Вравие, ти преди, друзи вслед идете,
495. Знаменья славная в руках си несете:
Рай, церков, корабль, ковчег Деву окружайте,
Лествица, столп, купина честно провождайте,
Двер, ключ, венец и скипетр, руно орошенно
Двоицею идете, да бы украшенно
500. Было погребеніе, аз же нести буду,
Имя сіе пресвято, с вами пойду всуду.
Вы же, о церковния лики, воспевайте,
По смерти живу сущу Деву прославляйте!
Вравіе в сердцах оний кажет:
―Уже тому ест три дне и мало поболе
505. На сем бед полном, земном плачевном удоле,
Егда ум мой отторгся земных попечений,
Об(ъ)ят быст желаніем духовних реченій,
И хождах умом близко горы Елеонски,
Которая зрима есть из горы Сіонски; //
510. Тамо красна и густа дубрава маслична,
Уединяющимся о Бозе прилична;
Услихах в ней здалече некий умиленний
Глас, аки бы был некто сердцем уязвленный,
От преболезненныя души исходящи
515. И по всей той дубраве сладостне звенящи.
Слушаю убо, кто ест сице воззивая,
И кого всеусердне к себе призивая.
И познах, яко глас ест Маріи Девицы,
Преблагословенной Духа голубыцы,
520. Яже и с утра тщателно на то место прийде,
Отнюдуже Син ея на небо взийде,
Оставив на камени следи свою ногу,
Тело обоженное вознесл к Отцу Богу:
Тамо любезнейшая Мати припадая
525. Лобызавше та следы, слезив возивая:
«О, Сину мой и Боже. Боже воплощенный,
От моих честных кровей во плот облеченный!
Почто мя, Матерь Твою, оставил едину?
Доколе не зру Тебе, любезный мой Сину,
530. Доколе во дни, в нощи без Тебе рыдаю,
Яко пресветлаго Ти лица не видаю?
Доколе сочисляю времена и лета,
Когда Тя лицем к лицу узру, мойго света?
Слези моя мне сут хлеб и питие выну,
535. Дондеже получу ту блажену годину,
В нуже Тя зрети, сладкий Сине, сподоблюся:
Тогда возрадуюся и возвеселюся.
Пойми мя к Тебе, молю, свете прелюбезны,
Виждь сердце рыдающо, выжд и очи слезны.
540. Помяни, како Тебе в утроба имела
И, рождши Тя, нетленно на руках носила;
От сосец девических млеко не невестно //
А егда повивах Тя мягце пеленами,
Ручки, ножки целовах матерьски устнами.
545. Очи же Ти пресветли и лице прекрасно
Коль бяше, прелюбезно вкупе и ужасно:
Як сина любых, а як Бога ужасахся,
Матерьски же дерзая, чадо, наслаждахся.
О сладости, сладости ми неизреченна,
550. Доколе аз от Тебе буду разлученна?
Не тол желает елень жаждею паленный
На источник хладных вод, Сине возлюбленный,
Якоже аз желаю к Тебе Богу живу:
Пойми мя к Тебе Твою рабу, матерь-деву!»
555. Сицевый глас девычій егда ся слышаше,
Дух умиленія ми сердце сокрушаше,
И плаках въ(з)дохнув тихо между древесами,
Устрашен же новыми пребых чудесами:
Масличны бо сады верхи прекланяху.
560. Долу кланяющеся, егда Деву зряху,
Аки одушевленны и аки разумны.
Дивен еси в делех ты, о Боже пречудны!
Возведшу же ми очи душевныя горе,
Узрех светло отверсти небесныя дворы,
565. Гавріил же архангел славно сохождаше
По облацех пречестно и тихо ступаше;
Облак же гибашеся под того ногами—
Невозможно подробну изрещи устнами—
Несяше же ся вравіе молнии подобно.
570. На неже ми взирати бяше неудобно;
А уста архангелска пресладне вещаху:
«Радуйся, благодатная», вслух то возглашаху:
«Гряди с Ливана, гряди, Христова невесто,
Гряди, Бога превечна родившая чисто, //
575. Гряди: се бо ждет тебе Бог в Троицы единий:
Отец, Син и святый Дух крепкий, моцный, силный.
Пространно сут отверсты небесныя двери,
Входа ради твоего во Сіоне дщери,
Яже сут души святых и душы безплотных,
580. Устрести изыйдоша тебе вси охотных.
Уготован ти престол при троичном престоле».
Воскликнут иже в небе и иже суть доле:
«Достойна сут стершая адску змію главу,
Воистинну достойна пріяти честь и славу!»
585. Дева же отвещала радостно умилне:
«Се раба есм Господня: буди мне то нине;
Готово сердце мое, готово есть, Боже,
К Тебе, творцу моему, возлюбих егоже,
Нине паки величит душа моя Бога.
590. Нине веселіе мне, нине радост многа—
От нине да ублажат мя вси земны роды,
Ублажат и небесны в превечныи годы!»
Аз же Сія здалече слышав удивихся,
Со ужасом ниц падши тайне поклонихся
595. Божіей и отидох, и то возвещаю
Вам, о друзи, от вас же болш слышати чаю.
Ангели прочіим поющим приходят ко гробу и вземлют образ.
Ангел (1-й):
―Радости наша неизглаголанна,
600. Мати цареви Христу преизбранна,
Гряди в горняя, остави нижная,
Гряди, ближняя!
Се Син твой, Бог наш, гласом ти вещает,
Пришествія ти в горный Сіон чает:
605. Тамо ти честно избра место:
Гряди, невесто! //
Время, дабы с тым всегда радост мела,
Егоже в руках радостно носила.
О мати Слову, Мати и девице:
610. Гряди, голубице!
Слыши тройственный глас сей от Троицы,
От Отца, Сина и Духа, ко голубицы:
Отец дщер, матерь Син желает зрети
Вечними лети!
615. Ангел (2-й):
―Се нам лествица к тебе поставленна,
Царица сущи, славно прославленна.
Идем ко мнимому гробу тебе знати,
Песни согласно похвали глашати:
620. Прійди, вышних и нижних царице,
Преизбранная чистая девице,
Наполни сердца ждущих, мати Бога,
Виждь наполненна желанія многа,
Всех ангел в небе готоватся хоры
625. Тя чисту Матерь пріят в небесны дворы,
Син твой, Господь узрети желает,
Матерь преславну к себе ожидает.
Прійди ми, прійди, чистая голубица,
Избраннейшая отроковица,
630. Оставившая вся села нижняя,
Вселися скоро в небеса вишняя!
Непрестанная буди радость,
Принеси выну всех сил ликов сладост!
Ангел (1-й):
―635. Радости сущи в небе веселися,
Радости наша к нам в села вселися:
Воспоим песнь вси согласно Девице,
Всех нас царице!
Се Царь наш и Бог в небо призивает
640. И нас ангелов ко гробу присилает. //
Неудоб подвиг вестником носити—
Тебе просити:
Прійди, Мати, глашу тя умилно,
Прійд(и), Госпоже, в чертог небес дивно!
645. Вси тя радостно Матерь приглашаем—
К нам ожидаем.
Гряди, Госпоже, в небесны чертоги,
Уготовленны вси ангельски хоры,
Гряди, прекрасна Господня невеста,
650. Во светла места!
Воспоим Песны новы и ужасны,—
Прилично пети Девицы согласны:
Востани, иди, потщися, Госпоже,
В небесное ложе!
655. Тамо бо будут тя чисту стретати
Ангели, приход твой во(с)клицати:
Еже радуйся, Господь бо с тобою
В вечном покою!
А н г е л (2-й):
―660. Иже сподобихся древле образ зрети
Твой, Дево пречистая, нине хощем мети
Самую у небесна тя, свете, чертога
В безконечной радости Сина тя и Бога:
Не в созданное солнце будешь облеченна,
670. Но лучами святаго Духа освященна.
Глава ти Девыческа уже не звездами—
Венцем нетленным Отца и Сина руками
Будет преукрашенна, паче звезд яснейши
И паче всех дражайших каменей честнейши.
675. Под твои пресвятыи, о царице, ноги
Не луча сребрянны постелет си роги,
Но мы все своя главы десяточисленны
Тебе поклонимся, ейже есмы покоренны,
Убо все да зреніем твоим насладимся
680. И лицем вожделенным ты увеселимся.
Молим, посети наши небесныя гради,
Украси нетленныя, узри вертогради, //
Да яко Бога Сина твойго оглядаем,
Тако и тебе вкупе с ним да созерцаем.
685. А радост, юже, Дево, в нас услышишь, слыши,
Веруем бо, яко ты не мертва, но спиши.
Пеніе:
―Обрадованная, радуйся, с тобою Господь… и проч.
Паки Ангел 1-й:
―690. Дуси небесніи, со страхом пріймете
Матерь Божію, со страхом понесете.
Мы воскоре с небеси усрящем,
Радост обрящем.
Ангел 2-й:
―695. На нюже зрящи все радости чаем, /
Радостную ей днес песнь воспеваем.
Пеніе:
―Обрадованная, радуйся,… и проч.
Ангел:
―700. Ах, стой, руко, аз Марію осязати
Повеленія во первых желаю,
Главу склоняю.
Ангел:
―Ужас об(ъ)ят мя и трепет до зела:
705. Ту яже Бога на руках носила,
Како понесу—руце не дерзают;
Аки унывают!
Ангел:
―Благослови ны, благослови, Боже,
710. Благослови ны, Царице Госпоже,
Даждь тя Христово чисто пріятіе
В наше об(ъ)ятіе!
Ангел:
―Небеса, ся отверзете,
715. Ангели, песнь воскликнете!
Пеніе:
―Ангели успеніе Пречистая зряще… и проч. //
Фома:
―Увы мне, что сотворю? увы, пойду камо?
720. Смотрит слезна зеница семо и овамо,
Но не вем, еже ей зрети подобаше
Ту, юже ввес мир нине любит и любяше.
Чаю, яко лишен есм Божой благодати:
Не присных, еда умре Исусова Мати!
725. Щасливый Петре, Павле и Варфоломее,
С прочиими апостолы первозван Андрее,
Яко Христа воскресша в первых купно зрели
И по безсмертной смерти Марииной были!
Рекл бым, яко от нея бех ненавидимий,
730. Не якоже прочии бех оной любымый.
Почто убо лишен есм аз погребения,
Не вем; о сем полон есм неуверения:
Не верую конечна, да бы та умерла,
Яже смертное жало в зачатии стерла.
735. Аще имех быт тоя смерти приобщенный,
То почто с прочими не бех восхищенный;
Иная вещь некая имат быти нова,
А не та, да бы Мати умерла Христова.
Вера:
―740. О Фомы неверие! аз есм тебе Вера:
Уже Дева от сего прейде в небо мира,
Уже с Сином и Богом царствует во веки,
Ангелов и радостно окружают лики.
Фома:
―745. Како аз иму веру, не видевши сима
Смерти погребения моима очима? //
Вера:
―Вся, яже зрев очима, не верую, знаешь,
Но чудом видения вещи осязаешь.
750. Фома:
―И что сего лучше, егда чувство внемлет,
Усумнения вера тогда не приемлет;
Колебил бы ся умом о Христе на мнозе,
Аще бых не осязал ребра, руце, нозе.
755. Вера:
―И кая ти полза бе верит, осязавши?
Блаженны, не видевши и веровавши.
Надежда:
―Аще не вериш, поне имей мя Надежду,
760. Яко та облеченна в нетленну одежду
От Отца, Сина венцем славы увенчанна,
Благодатию Духа Свята осиянна.
Ты же, аще, як Веры, и мене лишишся,
То како и на Бога уповати мнишся?
Фома:
―765. Уповаю, имею аз надежду сию,
Яко Христос, Син Божий, Матер си Марею
Име вечнаго царства блаженством венчати,
За любовь матернюю синовно воздати,
770. Но не вем, собистся ли, или еще буде:
Часто в своих надеждах заводятся люде.
Надежда:
―Заводятся, надежден кто на человеков;
Кто же надежден ест на Создателя веков,
775. Иже лже не подлежит и сам есть не ложный,
Надежен на Его вся улучит побожный. //
По Бозе Бога Матерь ест надежда многим
Немощным, обыдимым, богатым, убогим.
Фома:
―780. Добре ты глаголеши: вся сия приемлю,
Но множае о вере мыслию ти внемлю.
Любовь:
―Воспомяни Исуса, тебе возлюбывша,
Язвам си коснутыся ты благословивша,
785. Что един надесят ти един сподобился,
Ради тя единаго Христос потрудился.
Ты же и нине тогожде желаешь,
Да и гроб Девы зраком созерцаешь.
На любовь убо его крепце возложися.
790. И любовно ты ко Нему приложися;
Немощи твоей Тот да способствует,
Чрез мя тя в вере Тот уинствствует.
Фома:
―О, Любы Бога не преодоленна,
795. Во веки веков Любы неизменна!
Вера временна, Надежда отъийде,
Егда ми душа от тела изийде,
Ты же во веки со мною пребуди,
Да люблю Бога, тщалива да ми буди.
800. Ны вас от мене ниже от вас отлучаю,
Веро, Надеждо, аз вас не оставляю,
Еже не мощно, рекох, чрез Любовь простете,
Поне гроб Пречистыя зреть мя сотворете! //
Ангел 1-й ко Фоме:
―805. Се ти гроб желаемый имаши явственный!
Ангел 2-й:
―Прийди и буди верен, а не невверенный.
Фома:
―Изволивши на мя толико призрити,
810. Изволте Пречистыя гроб, молю, открити,
(смотрит в гроб)
Да ея лобызаю пречистое тело.
Ах, что сие есть? сердцем ужасохся зело,
Что гроб празден, где ест тело погребенно?
815. Ангел 1-й ко Фоме:
―Зри в небо: там з душею уже пренесенно.
Зри Деву с Троицею Божества во славе,
Зри венец неоценен на пречистой главе.
Ангел 2-й:
―820. Се тя Вера, Надежда Любовь обличают,
Се тебе неверствием лице обагряют,
(ангели отворают)
Доколе неверием себе удержиши,
Подобен, да и иных верить научиши?
825. Фома:
―Согреших пред Тобою, Творче мой и Боже,
Согреших пред тобою, Царице и Госпоже,
Усердния молитви к тебе возсилаю!
Прости мя согрешивша, усердно желаю.
Согреших тебе, Веро и Надеждо, тебе
830. Любы: мейте всегда мя послушлива себе!
Согреших на небо, вам согреших—простете!
Аз никогда вас, вы же мя не отступете! //
Иду убо прочиим сие возвещати,
Да никто же ся будет в вере колебати,
835. Да не мудрствуют таинств явных токмо Богу.
Вера, Надежда, Любовь ко Фоме:
―Мы тебе совокупни простуем дорогу.
Фома:
―Немощи человека ум в небо впераешь,
840. В сердце Богу заглянуть дерзостно желаешь.
Высоко бойся пасти, егда же падеши,
Вечным смерти сном умрешь и не воспрянеши.
Доколе искушающим будешь Гедеоном?
Не всяк буде Гедеон, инный Авироном.
845. Гедеон руном Бога тогда искушаше,
Егда во ветхой сени неверетвие бяше.
Ты уже апостолми верно просвещенний,
Такожде—учительми добре наученний
Не в мале, не приложи, не претворай веры;
850. Не творы повеленных кроме, вышше меры.
Веру имей совершенну, любовь и надежду:
Чиста Дева нетленну дасть тебе одежду.
Отроки рыдающии о преселившейся в небо Богородицы.
855. Отрок 1-й:
―Ангельска родость плач нам сотворыла,
Радость бо нашу от очию скрила;
Сами в радость нас в темну слют одежду:
Взяша надежду! //
860. (Петь, тыя ж стихи)
Кто ми даст слезы? кто мы даст потоки,
Точащиися сердечной опоки?
Плачите, очи, плачи, и все тело,
Плачите зело!
865. Восплачи, земля, и яже суть в тебе,
Плачите, древа, цветы, требе!
Плачте, камены, взрыдайте, горы,
Иже в моры!
Иногда Рахиль слезами рыдаше,
870. Егда любезных чад сы не видяше:
Мы же, егда Матерь не выдаем,
Нине рыдаем!
Весы, колику си, Мати, печаль мела,
Егда своего Сына не видела,
875. Три дни ищущи: мы ти где обрящем
И где усрящем?
Отрок 2-й:
―Прекроткая голубыце,
Чадолюбыва горлице,
Камо от нас полетала
И на коем гнезде села?
880. Села ж в горнем Сионе
С Сином на едином фроне.
О горлыце златой выи,
Прилети на руце сии:
Готово ми сердце тебе,
Избери в гнездо себе!
Кто ны покрыет крылами
От гонящих за нами?
Кто спасет от лютой смерти?
Мариа, не даждь пожерти!
885. Простри, аки крыле, руце
И не предаждь вечной муце!
Где ти еси, и нас прийми
И матерски всех обыйми!
Падаем ти вси под ногами,
Да всегда пребудеши с нами.
Прийми, о Мати, желаем,
Скорбную песнь воспеваем!
Пение. Нота: «Ах, что творим…»
―890. Что творим человецы
Вез нашея всех Царицы?
Се нас сирых оставляет,
А в небо ся преселяет. //
Ангелов увеселила,
А человеков засмутила,
Ко ангелом преселися,
А человек отлучися!
Отрок 3-й:
―Пролий слезы, о зеныци,
Рцы Марии: о денници,
895. Дажд нам росу благодати,
Не дажд в слезах потопати!
О деннице Христа солнца,
Введшая в вся земли конца!
Ты день верным сотворила,
А нине в нощ пременила.
Зашедши в небесны дворы
Между ангельския хоры,
Там светом вечным сыяеш,
Нас в море слез втопляеш.
900. Посли чрез тя свет от Сина,
Буди нам радость едина!
Пение:
―Язик уста унивают,
Та бо слезы заиирают.
Воздыхание
905. И стенание
Рещи не повелевает,
Аки перстом запрещает.
Выжд ми сердце, о Царице,
Выжд ум, Богородице!
Коль алкают
И жаждают
910. Наситится
Ввеселится
От пречистаго лица ти,
Небеснаго Цара Мати,
Ввес мир по тебе рыдает,
Ввес ву слезах утопает,
Старый и малий, нищий и сирый
И вдовыцы, и пленыцы—
Всы тя чают, о Госпоже,
Кроме тя кто им поможе?
Отрок 4-й:
―915. Плачет в Елеоне место,
Идеже жила невесто.
Плачут стены Иоана,
Идеже была хованна.
И ученик возлюбленный,
Сином твоим нареченный,
Со всеми друзы своими—
Со апостолы святыми—
Радость миру провещают,
Егда же тя поминают,
920. Скорбы живих исполненный,
Яко от тя оставленный.
Нам же како не рыдати
По тебе, о Богомати?
Плачте, всего века лета,
Плачте, всего концы света,
Плачте, времена и часы,
Жалобные дайте гласи! //
Отрок 5-й:
―О пресвятая Дево и Пречиста,
С велиим жалем церковна невеста,
925. Егда жениха своего искаше,
Горце рыдаше:
Где тя обращу, любый мой женыше?
Там ли, где вонь ароматна дыше?
О цвете селный, прелюбезный цвете,
930. Яснейший свете!
О невесто побожна, изволь зде предстати,
Помози нам днесь прискорбным рыдати.
Научи, како слезы растворыти,
Сердце мягчити!
935. Тя жених, а нас мати днесь остави,
Преселившися ко небесной славе.
Увый нам, слезным, о лютыя жали,
Лютей печали!
Молчит невеста, аки не умее,
940. Поне ты прийди семо, Еремеее,
Ты, плачу полный, помозы рыдати—
Горце стенати!
Отрок 6-й:
―Престаните стенания,
Горкаго воздихания,
Ибо всех нас наши жали
До болшой ведут печали.
945. Все колена преклонемо,
Глас на небо возведемо,
Да от нея глас услышим
И печаль нашу утешим.
Все отроцы (единимы усты):
―950. О рождестве девство еси сохранила,
Да бы нас в успении мир не оставила,
Да никто же нас от тя будет оставленный,
Яви лице и поне глас твой возлюбленный!
Ангел с небес:
―955. Се желание ваше исполнися:
Мати Бога всякий присмотрися:
От Отца, Сина венцем увенчанна,
Светом святаго Духа осиянна, //
Облечеся нетленна в нетленну одежду.
Вам же всем возвещает вечных благ надежду.
Отрок:
―960. Радость объят ны толь велия зело:
Коль великую прежде сердце жалость мело,
Радостную по горких слезах пием чашу,
Егда зрим всегдашнюю заступницу нашу.
Убо поклон радостней все ей воздадемо,
965. Веселими ногами во свояси идемо!
Пение //
Явление 1-е
Человек грешный:
―Погибох окаянный над все человеки,
5. Увы, предахся аду на вечныя веки!
Несть греха, егоже аз не сотворил блудный,
Несть скверны, еяже аз не сотворил студный,
Толь много грехов на мне, сколь звезд имат небо,
Коль песку вскрай мора, я сам знаю, се бо
10. Грехи, аки звездами, живу испесщренный,
Не як в песку, но во смрадном блате очерненный,
Не помянух суд страшный ни лютыя смерти,
Не помянух имуща ада мя пожерти,
Поглядаю на красно небо окаянный.
15. Но бысть в нем не надежден, гину отчаянный,
Выну дах, гину, иду во пропаст безденну,
Отчаян спасения иду во геенну.
Совесть:
―О горе, человече, что се глаголеши,
20. Отчаянием себе в геенну влечеши!
Или не веси, грешне, милосердна Бога,
Могущия отпустити многим грехи многа?
Помяни согрешивших: Петра, Магдалину,
Ниневит, Манассию и Египтянину.
25. Не веси ли, яко тии Богу согрешиша,
Кающеся простиню (прощение)грехов получиша? //
Ты же отчаянному последствуеш Юде,
Хотящ быти купно с ним в серчистом сосуде.
Се уже тя отступил и ангел хранитель,
30. Скорбен отыйде от тя твой руководитель.
Грешник:
―Вем, яко мя остави, спасти бо не може!
Уже (бо) ношу с собою гееннее ложе.
Не возможе от руку тех мя исхитити,
35. Иже мя уловиша адовыми сети.
Совесть:
―Послушай мя, слезныя Совести твоея,
А послушай и здравия поради моея:
Прежде смерть не постигла, истинне покайся,
40. Умилостивиш Бога, веруй, не отчайся,
Стяжи ходатайцу Девую Пречисту,
Марию, Матерь Бога, безбрачну невесту:
Та—покров, заступница людем есть едина,
Умолит и о тебе Бога си и Сина.
45. Аще з земли пришедши в небе жительствуют,
Обаче спасете всем ходатайствуют.
Рцы к ней: «Спаси, Марие, спаси—погибаю!
Чрез тя у Создателя милости прошаю!»
Помолися, улучиш и грехов простиню,
50. И вечну восприймеш тебе благостиню.
Грешник:
―Что всуе глаголеши, егоже не чаю?
Не хощу тя слушати—уши затикаю.
Первее солнце згаснет, звезды потемнеют,
55. Первее светозарние небеса истлеют,
Первее источатся источницы в море,
Первее непроходны во пут пойдут горы, //
Первее каменные возглаголют стены,
Неже мя помилует Бога благостины.
60. Пение: «Спишь, окаянне…» и проч.
Совесть:
―Встан, ах, встан: Гнев Божий наступает!
На грешную ти выю меч свой изощряет:
Се ти погибель в сем часу надлежит.
65. Грешник:
―Вем, яко и геена серчиста предстоит,
Ты же, Совести, молчи: аз сам разум мею,
Память, разум, волю: теми мя в сем часе радею.
Пение
70. Совесть:
―Встан, ах, встан: доколь в тене греховной лежиши?
Докол непокаянством ангелов смутиши?
Се гнев Божий находит мечем тя убыти!
Ах, пречистая Дево, не дай погубыти!
Гнев Божий:
―Лежиш зде, окаянне, прогневавый Бога,
Над число песка морска зла сотворив многа,
Совестию обличен не покаявыйся,
В век милости Божой зде отчаявыйся!
80. Ныне же кто тя измет от моея руку?
Утоплю меч во утробу, пошлю в вечну муку.
Будешь, будешь в плачевном аде в век сидети,
Будешь в неугасимом огне в век горети,
Прежде даже в уши ти не прийдет глас трубный,
85. Тма, огнь, черв обиймет тя плачет и скрежет зубный.
Судом Бога послан есм Гнев тебе убыти
И всех не кающихся племя истребити.
Преклони выю вскоре, падши на колена,
Да приймет нагороду грехов твоих вына.
90. Грешник:
―Гневе Божий, потерпи поне мало время,
Да грехов моих сложу на чистое бремя! //
Гнев:
―Уже не время!
Доколе имел еси разум, память, волю,
95. Могущ каятися: в вечну днес иди неволю!
Грешник:
―Поне час или два ны продолжи, молю ти!
Гнев:
―Ни пол минуты!
100. Прийми казнь по делом ти, и большую приймеш,
Егда ся огнем вечным геенским обыймеш.
Благоутробие Богородицы:
―Стой, умилосердися, Гневе Божий правый,
Не губи, егоже Бог в образ свой создавый,
105. Той его кровно си изкупи от смерти;
Ты же напрасно аду не предай пожерти,
Остави согрешившу, падшаго помилуй,
Божию того Суду предстоит, усилуй.
Благоутробие, тебе умоляю:
110. На суде кроток буди, главу ти скланяю.
Гнев:
―Добре. Но и Суд Божий так будет судити,
Не схощет бо без казни того отпустити.
Гради на суд и его веди со собою:
115. Аз сопротивляюся, Суду представши с тобою.
Благоутробие:
―Добре. Гряду по тебе ко истинну суду,
Да его не погубыт, умоляти буду.
Гнев (пришедши к Суду):
―Суде Божий, осуди сего человека:
Той грехов полный, як никто же от века.
Суд:
―Кии суть того грехи, исповежд подробну:
125. Мы того мучении предадим подобну.
Ты же, Извете, пиши глаголема;
Тебе, Истинно, да будут внемлема. //
Гнев:
―Горд, завистник, нечистый, праздноглаголивый,
130. Пьяница, обжирца, тат, убийца, ленивый.
Тако ли есть се?
Грешник:
―Тако!
Гнев:
―Слыша разсудете,
По величеству грехов казнем предадете.
Суд:
―Всяк грех смертный, за всяк есть он смерти достойный:
135. На Вечну смерть, напиши Извет, мук пристойный.
Благоутробие:
―Суде Божий, за имя пресвятой Марии
Наши ми со грешником прекланяем выи.
Потерпите немощем грешна человека
Чрез ту, яже Бог избрал за матерь от века:
140. Немощен человек, а супостат сильнейший:
Тем падеся и Адам, человек первейший,
Колми паче в нынешнем последнейшем веце
Како не имут пасти слабы человецы?
Истинна:
―145. По падении Адам скоро был казнимый,
З рая от херувима мечем изгонимый.
И умилостивити не можаше Бога,
Неведома ему бысть покути дорога:
Он грехи покутою могл бы очистити
150. И милостива Бога себе сотворити.
Не единожди Совесть его обличала
И ко покаянию зелне привлекала.
Но понеже не хоте, достоин есть муки,
Достоин предатися в Люцыпера в руки.
155. Благоутробие:
―О Истинно Божия, буди благосерда!
Буди, якоже и Бог, к грешним милосерда:
Милосердие Бога да не упразднится,
Но и на сем грешнице вами да явится.
160. Истинна:
―Не была бых Истинна, грешних не казнящи.
Не трудися более семо предстоящи! //
Суд:
―Прочти Истинне, Извет, како осужденный
165. Пойдет, на коем месте будет посажденный.
Извет:
―Истинным судом Божиим дается извет на грешника:
За премногая злодеяния, о непокаянии, отчаянии,
Да поемлется в тму кромешнюю, идеже плач
170. И скрежет зубный, черв неусипаемый.
Суд:
―Раба сего лукаваго в темницу ввержите!
Благоутробие:
―Суде Божий, малое на время пождете:
175. На небеси Девая Богу предстоящи
Не престает за грешних Исуса молящи.
О имени тоея аз тебе умоляю!
Суд:
―Аз о имени ея тебе послушаю:
180. Не предаю грешника под адское бремя,
Но в крепкую темницу заключу на время.
Грешник (в темнице воздыхает):
―О, мя преокаянна, в сех заклепах суща,
185. Помощи ни от кого бедна не имуща!
Истинным Судом Бога есм зде посажденный,
Но не вем, чрез кого аз буду свобожденый.
Истинна с Судом Бога согласним советом,
Ах, на вечную мя смерть предаша изветом!
190. Ах, кто мне грешну ныне даст помощи руку,
Да не пойду осужден во вечную муку?
Оле во жизни моей всего окаянства!
Чревообъядения, зависти и пьянства,
Гордость и нечистоту хотех бых оставить
195. И прочая хотящи житием исправить,
Но горе мне блудному, уже мне не время:
Влечет мя в дно геены грехов моих бремя.
Аще толкати в небо молитвою тщуся,
Вне со буими деви, горе обращуся: //
200. «Господи, отверзи ми, да аз исповем тя!»
Он не потешним гласом отповест: не вем тя!
Ах, горе, рече: пойди от мене, проклятий,
Во огнь вечный: там будешь диаяволи ятий,
Будешь во тьме кромешней на веки сидети,
205. Будешь зубами скрежащ в геене горети,
О, муки, ах, о реки серчистой пловущой,
О, муки, во всем веце конца не имущой!
Лучши сут зверие живши безразумний.
Нежели аз человек грешащ, сущи умний,
210. Та погибнут умерши душею и телом—,
Аз же истязай буду по моим злим делом.
Покайся, ах, покайся всяк нине грешащий!
Нест ми покаяния в час сей настоящий!
Покайся, егда тя гнев постиже Бога!
215. Уже мне заградися к небеси дорога.
Совесть:
―Се нине, окаянне, людей увещайеш,
Егда на самом себе погибель ти знаешь.
Не глаголах ли тебе: покайся, покайся,
220. Покайся, человече, Бога не отчайся!
Но от словес моих ум тебе потемнися,
А нине в сей темнице нощной просветися.
Уви, мне, окаянной Совести твоея,
Не слушав хранителя ни ради моея.
225. Грешник:
―Истинну глаголеши, Совести тщалива:
Не убояхся впасти в руце Бога жива.
Согреших, отчаяхся, погибох во век веков,
Скотом уподобыхся, а не человеком;
230. Лучще было безумним скотом ся родити,
А нежели умному в геене горети.
Щаслив скот: умирающ, во веки умирает,
От неразумия муки вечной не знает. //
Аз же создание есмь Божие разумно,
235. Но погубих ум, живый на земли безумно,
Создан во образ Бога, но уподобихся
Дияволу, в того бо образ пременихся,
Первим грехом—гордостью есмы соравненны:
Он с неба, аз же з земли во ад низверженны.
240. Горе, скорби мя снедает, мука безконечна,
Плачите мя, людие и вся подсолнечна!
Совесть:
―Не буди отчаяний! Еще Бога Мати
Не отъяла от тебе своей благодати:
245. Ей обычно ест грешних всех не оставляти,
Но о оставлении грехов умоляти.
Возведи очи в небо и воздей к ней руце,
Помолися, да вечной не предаст тя муце.
Грешник:
―250. Во время погибели тебе послушаю,
Чрез заклепы к ней горе руце воздеваю:
О красото пресветла небеснаго града,
Не остави мя суща в предверии ада!
Призри на погибшаго, яко ти обычно,
255. Всех нас грешниих спасати тебе есть прилично:
Умоли Христа Бога, сладкаго ти сина,
Всем нам грешним надежда ти сущи едина,
Да век к покаянно мне грешну пробавит,
Благоутробыем ты милость явит.
260. Надежда:
―Не погубляй надежды, грешний человече.
Милость Девы Марии на тебе приниче,
Теплейшия молитвы к Сину проливает,
Егда твоему гласу молебну внимает.
Не отчаивайся—ти Надежда вещаю,
265. Спасение Девою тебе обещаю. //
Аще предстанеш суду, ничтоже сумнися,
Токмо умом к Деве Пречистой молися:
Та облечет тя в перву нетленну одежду.
Веруй, яко приймеш, имей мя, Надежду.
270. Во время, когда имаш предан быти
Мукам, на небо не престань смотрети:
Узришь по лествице ангела сходяща,
Мариины молитвы пред Суд приносяща.
Та мольба тя избавит от вечныя муки
275. И от Божья Гнева избавит тя руки,
Буд спастися надежден, яко Ной в ковчезе:
Не будешь в пекелном, но на небесном брезе!
Чрез мя сучец масличен шлет тя голубица,
Мария Матерь Бога, нескверна Девица.
280. Грешник:
―Благодарю, Надеждо, за весть ти такову,
Юже ми спесения возвестила нову.
О, дабы твои слова собылися делом!
Желаю всеусердно душею и телом…
Суд:
―На Благоутробия молитву презревши,
Грешнику время жизни умедлевши,
Сотворемо истинну и суд Божий правый,
290. Да погибнет от земля Божий раб лукавый.
В нюже всадисте, в темницу идете,
Грешника скоро семо представете:
Достоин еси, скверне, за грехи приличну
Ити преявши извет во геенну вечну. //
295. Молитва.
―Владыко, человеколюбче, Господи Исусе Христе, Сыне и Боже мой! Аз смиренная раба и мати Твоя, надеяся на милость благоутробия Твоего, дерзаю матерски к Тебе простирати молбы о грешницы, ижа в преддевериах ада сущи всемогущее имя Твое и мене Матерь Твою на помощь призивает. Помяни щедроти и милости Твоя, яже от века сут, да не преодолеет грешних злоба Твоей неизреченной благости. Помяни безконечную ко грешним милость Твою, ея же ради с небеси на землю нисшел еси и воплотился еси убо, о Преблагий Исусе, хотящи всем спастися ради воплощения и рождества Твоего, ради со человеки пожития Твоего, волнаго распятия, преславнаго же воскресения и на небеса вознесения. Аще угодна ест молитва моя пред Тобою да исправится, избави от вечния смерти человека сего, от него же того честною си искупил кровию. Помяни, о прелюбезний Сину, о всемилостивый Боже, Матерь Твою, молящуюся о его прегрешении и прощении. Помяни очеса моя, любезно на Тя смотревшая. Помяни ушеса моя, усердно Тя послушавшая. Помяни уста моя, матерски Тя лобызавшая. Помяни руце мои, мягце Тя пеленами повившая и носившая. Помяни нозе мои, от лютаго Ирода во Египет бегшия и паки тредневно Тебе ищущия. Помяни сердце мое, еже Тебе сущу на кресте оружие пройде. Всем сердцем, всеми силами души и тела моего молю Тя, не помяни беззаконий его, ниже предаждь его вечной муце, не мертвии бо восхвалят Тя, Господи, ни вси нисходящии во ад; да не возвеселится враг о погибели его, но да возрадуются престолу Твоему ангели предстоящии, к ним же и того сопричти, да с теми хвалит Тя во веки. Аминь. //
296. Ангел с неба с молитвою:
―Да адская грешника не поймет ловитва,
Сие Марии Девы сотвори молитва:
Та умолила Сина своего единородна
300. И от вечныя смерти сотвори свободна.
Се в знамение, молитву преемши, прочтете,
Человека во одежду перву облецете.
Суд:
―Извете, чти молитву.
(ко Истине)
Возьми на мерила,
305. Аще за грехи того довле сотворила;
Зде грехи клади; аще молитва превышит,
Человек ся вечнаго живота не лишит.
Истинна:
―Достойно и праведно волна сотворити,
310. Ты же в век не забуди Марию блажити.
Благоутробие:
―Гряди, Ангеле Божий, изволь поведати,
Что зде бысть, Хранитель же его семо поспешати,
Да изволит, уже бо за грехи прощенный,
315. Паки оному будет отселе врученный.
Суд:
―Гневе Божий, Истинно, оружие скрийте,
Во одежду человека перву окрийте.
Истинна:
―320. Низверзи скверну, чисту восприйми одежду,
Благодари благую Деву, ти надежду,
Поклонися до земли, воздей в небо руце,
Яко тя не предаде безконечной муце.
Грешник:
―325. Благодарю Тя, Дево, раб непотребнейший,
Во всем веце паче всех грешников грешнейший!
Благодарю за любовь ко Сину ти и Богу,
Благодарю за милость Матерню премногу:
Благословенный буди един в Тройцы, Боже,
330. Буди благословенна, Царице Госпоже!
Грешник:
―Его же видесте мя грешна человека,
Уже с телом погибша в век века,
335. Уже бех окаянный в предверии ада,
Не в предверии и внутрь пекелнаго града, //
Аще бы не дала та ми помощи руку,
Яже не хощет грешным пойти в вечну муку:
Мария, Матерь Бога, чистая Девица,
340. Жильцев неба и земли крепкая царица,
Надежда убо грешным, помощь отчаянным,
Спасение погибшим и в муку посланным,
Та во адских заклепах и мне грешну сущу
И на вечныя муки в геенну идущу,
345. Поможе молитвою ко Сину и Богу,
Ею же удивила на мне милость многу,
Благоутробием си спасе мя оттуду,
О чесом ея милость хвалить не забуду.
Вы же, о человеци, прилежно внымайте,
350. Марию человеком заступницу знайте:
На земли, во пустыни и промежду горы,
В крвавых бранех на поле, такожде и в моры
Взывай на помощь Деву: та будет ти щитом,
Та предстанет ти в помощь с ангел синклитом,
355. Та прогнание будет полков невидимых,
Та меч, та оружие на врагов видимых,
Яко на себе дознах, исте вам вещаю;
Более не глаголю, ибо смерти чаю:
Дух ми сказует, яко близ моя кончина,
360. Уже тело слабеет, яко паучина,
Вся кости и вся уды вже изнемогают,
Уже к темному граду конечни зближают.
Иду убо на одре немощне спочити.
Вы же умырающа изволте простити.
Нотарий:
―Зри, человече, ко гробу идущий,
Коль согрешилес чрез век твой пловущий.
Се грехов твоих книга исполненна,
Да разсмотришь, се тебе разгебенна.
Хранитель:
―Не смущай человека при кончине суща,
От временыя жизни ко вечной идуща:
Девая Пречиста Христа умолила,
Чрез Христа человеку все грехи простила.
375. Нотарий:
―Простила грехи бывша пред отчаянием.
Хранитель:
―Потом, яже согрешил, стер покаянием.
Нотарий:
―380. А яже сут не стерта, где стя поденешъ?
Хранитель:
―Вложи на свою выю: что со мною преешь?
Благоутробие:
―385. Перестань человека смертна искушати,
Престан ему дорогу в небо препинати!
Нотарий:
―Како препинаю, аз Истинны требую,
Да долг за грехи отдаст, на то усылую.
390. Благоутробие:
―О, Истинно Божия, вскоре прийди семо.
Настоятеля сего от нас ижденемо.
Истинна:
―Что мя зде желаете, се стою готова:
395. Рцете, яже имате ко мне кии слова?
Благоутробие:
―Близко смерти сущаго сего человека
Устрашает грехами бывшими от века,
Девая же молитвы аки бы не знает
400. И каяния его не воспоминает.
Возьми убо, молю, на мерило дела,
Купно покуту, яже довле сотворила;
Ты свою семо да положи книгу.
Истинна:
―405. Человек сей адскому не подлежит игу.
Уступи человеку, дай мирно умерти,
Не достоит онаго геенна пожерти. //
Благоутробие, зде неотступно буди,
Ты такожде, Хранитель тщаливый, пребуди.
410. Хранитель:
―Сорадуйте ми ся, все ангелскии хоры,
Сорадуйте ми ся, все ангельския дворы,
Яко человека, мне по Христе врученна,
Вижду видов небесных днесь не отлученна.
415. Молю всеусердием: небеса, приникнете,
Со радостию душу в небо понесете,
Пойте разлучаемой днесь души от тела,
«Аллилуя» воспойте радостно до зела.
Явление 5-е. (Олицетворенные Власть, Митра Церкви, Венец и т.д. возносят хвалы Богородице, преклоняются пред Нею)
Власть:
―420. Власть круга земнаго сим венцем венчанна
И дражайшим виссом упорфированна,
Сим кругом земним я же обладаю
И сим златоблищащим скиптром управляю.
Услышах весть любезну во всей подсолнечной
425. О крепчатой Царицы мира безконечной,
О Девицы Пречистой, днесь в небо вселенной
И на престоле с Богом Сином насажденной,
О ея же имени колена небесних
Покланяется, земних, такожде подземних.
430. И аз прийдох ти главу такожде склонити
Имени Мариину и дарми почтити;
Подножие Христово тому прекланяю,
Преобразования дарми почитаю;
Царей благочестивых иже всех ест слава,
435. Венец свой почитает смиренна ми глава.
Скиперту царя Христа скипетр полагаю,
Да та приятна будут, главу прекланяю.
Вы же, чине всяческий, такожде творите,
Прилична знамения в почесть положите. //
Митра Церкви:
―440. Понеже Дева чиста Церковь нареченна,
Да будет епископским венцем украшенна:
Тыи Христовы Церкви венцы украшают,
В них же архиереи светила сияют,
Да Марии сияет имя во всем мире:
445. В церквах прославляймо христианской веры!
Раю Венец с зелиа
от девиц:
―Деву пречистую, всем девицам славу,
Чтуще, девы сплетоша сей венец на главу:
Полна ти, Дево, цветов сущи, рай мисленный,
450. Но и сей Венец буди тебе приобщенный.
Котва кораблю
от морнарей:
―Радуйся, кораблю, спастися хотящим,
Ти помощница буди по морю паращим.
Се тебе за дар котву смиренны приносят,
455. Ты благ вечных надежда и им буди—просят—
Да ни един от них, когда погрузится в море,
Да никто возопиет: «утопаю, горе!»
Крила лествицы
от монахов:
―Лестовкою на небо спешащи монаси,
460. Принявши чин ангельский жити в Божом стасе,
Крила ангелскии, Дево, ти приносят:
Покри их крилами, всеусердно просят,
Да со ангелы Богу купно предстоящи
Не престанут во веки и Тебе славящи.
465. Купине Сердце
от побожних:
―Иже сердцами всегда к Богу полагают,
Купину горящую тя исповедают,
Но неопалимую Деву бо нетленну
И по рождестве Деву сущу непременну, //
470. Сердце Тебе приносят: Ты же, сердцем Мати,
Во молитвах ко Богу зволь им помагати.
Вратам Ключ
от мудрих:
―Врата во веки суща затворенна
И никому же когда отворенна,
Токмо едину Церкви и Богу,
475. Иже сам пройде чрез тайну си многу,
Не мудрствующи мудрцы ключ приносят:
Ключ царствия, рай нам отверзи, просят.
Киоту Свеща:
―Киоте, Духом святым позлащенный,
480. Сосуде, даров Бога исполненный,
Верныи, иже тя Матерь Бога знают,
Да свет твой просветится, свещу поставляют,
Да в нощи неверия сущи просветятся,
И Тебе Деве чистой все да покарятся.
485. Столпу Щит
от граждан:
―Столпе, тысящми щитов украшенный,
Тысящми тысящ буди похваленный:
Защити верных от злых аггарянов
И от неверных прочих поганов!
490. В граде и весех молятся бо люди:
Святая Дево, Ты стена нам буди!
Руну Крин:
―Руно обычно из агнца бывает,
Иже незлобия имя стяжавает;
495. Аз же незлобия знак приношу Марии,
От безконечных тыих ей преклоняют выи.
Ключу Книга:
―Книгу мудрости Божой никто когда чтяше,
Дондеже Дева Матер Бога не раждаше.
500. Егда же роди дева в новой благодати,
Книга тая завета может ся читати,
На нейже царие тайны полагают,
Тебе, ключу таинства, книгу предлагают. //
Власть:
―505. Тако вся предложивши, главы преклонемо
И единимы усти словеса рецемо:
Да приношения будут ти приятна,
Молим тя, Дево богоблагодатна.
Славна и украшенна во век веков буди,
510. Нас землежилцев, раб твоих, не забуди.
Призри на предстоящия христианы семо!
Мы же главы склонывши во своясы идемо!
Пернач Марии:
―Марие, защитнице христианска рода,
515. Защити нас от врагов, сильна воевода,
Имже защыщаются воинове в браны:
Тебе приносят, ты их от язвы сохрани.
Девеи полков небесных, крепчайшой Царицы,
От вождов полков земных держимый в десницы
520. Знак управления аз приношу ти смиренный,
С ним же в десницу даю ввес род просвещенный:
Восприймай и управляй, крепка воевода,
Руководительница будь нашего рода!
Прапор Марии:
―525. Возбранной всеводе, смерть в веки победившей,
От адской плени Сином всех нас свободившой,
О ей имени иже врагов побеждают,
Знамения победы чрез мя посылают.
Шлем Марии:
―530. Прийми шлем, да покроешь всех християн главу,
Во веки веков венчается в славу.
Труба:
―Благовещанною ест Мария трубою,
Яже с неба нам Христа прогласи собою;
535. Егда на страшном суде ангел нам затрубит,
Кротце Сина умоли, да нас не погубит.
Меч Марии:
―Многобожие меч пресекающ,
Да та враг противных страхом прогоняющ,
540. Прийми меч, им же убы всех неверных,
Защити же христиан всех нас правоверных! //
Пролог:
Се уже, слышателю, еже обещахом,
По сыле нашей любви твоей показахом:
545. Како Дева безсмертна на небе царствует,
И како спасение нам ходатайствует.
Вам же за внимание главы прекланяем,
Что в слове согрешихом, простете, желаем, Аминь