ПЕРЕЙТИ на главную страницу творений свт. Кирилла
ПЕРЕЙТИ на сборник «Молитвы святых отцов из творений»
(Озвучено Никой)
1. Канон молебен Кирила грешнаго. (церк-сла.яз.) (РНБ, Софийское собр., XIV в.)
🎧1.1. Канон молитвенный на русском языке (изд. Типографии Киево-Печерский Лавры, 1880 г.)
1. Канон молебен Кирила грешнаго. (церк-сла.яз.) (РНБ, Софийское собр., XIV в.)
Глас 5. Песнь 1. Ирмос: Моисейску поминающи, о душе, десницю, бежи грехолюбиваго Егупта и разумнаго фараона отверзися работы, да крестную приимеши палицю и страстное пройдеши море смереньем, вопьющи: Поим Господеви, славно бо прославися!
Аз есмь обличитель сущих во мне зол деяний, имиже прогневах Христа, вся Того преступив заповеди, и вся ныне Писанью предах помыслы моя, словеса же и делеса, скверны вся и безаконья на слышанье всему миру.
Доколе вязиши, убогая душе, обьята телесными страстьми, обидою и немилосердьем, гордынею и пьянством? Си суть вражья тенета, иже тя живу до ада сведут! Но возопи покаяньем: О Христе мой! расторгни ми съуз греховьный и спаси мя!
Якоже немолчно славят огнедохновеньными гласы серафимьстии полци тресвятую Троицю, всея твари Сдетеля, Той припадаю, прося отпуста многых ми грехов: О милостивый Творче, поне наконец спаси мя!
Яко уродивыя девы, не имам покаялнаго светилника, ни стяжах масла милостивнаго, но всуе толку затвореном от мене двьрем. Но, о Мати Божия, избави от мукы лютыя убогую ми душю!
Песнь 2. Ирмос: Вонми, небо, — рече Моиси, втораго написая закона перваго преступльшим. Разумей, душе, свое падение; Бог истинен, судяй праведно и въздая комуждо по делом его.
Адамьская помыслив, в бесовьская впадох, по законьная емъся, в беза[ко]ньная уклонихъся, свет възненавидев, во тьме греховней заблудил есмь.
Грехи моя, аки Ламех, пред всеми исповедаю, а своего зла обычая никогдаже не остануся. О, люте мне, оканьному, всем мукам повиньному!
Яко Бог многомилостив, приими мя кающася и дажь ми оставление многих ми съгрешений, да в Троици прославлю Тя, Отца и Сына и Святаго Духа!
Яко всех сы грешней, на небо возрети не смею, но к Тобе припадая, вопью: Мати Божия Пречистая! умилосердися на мя и избави мя вечнаго мучения!
Песнь 3. Ирмос: Яко Бог всесилен, изнемогьшюю грехъми душю мою и сердце, злыми запустевше, доброплодно створи: духом скрушеном молитву Ти принесу!
Аще въспомяну си дела, отинудь отчаюся, яко Божия не створих воля, но всю плотьскую похоть, прелщен врагом, сдеях; да кто мене не плачет, погибшаго люте!
Зело горка, о душе, темница и люта верига, яже о тебе злопомненья страсти. И аще сих не останешися, злым себе предаси бесом и теми люте, яко пленьница, томима будеши.
Яко человек сгреших, но яко Бог прости мя, Отче, Сыне и Святый Душе! Тобе верою покланяюся и Твоея требую милости и до последняго издыхания.
Явлена от века всех крестьян Заступнице и к Богу ходатаица Марье, богоизбраная Владычице! Приими мою молитву и подажь отпуст многих ми прегрешений молитвами си!
Седален. Глас 6.
О всестрастьная душе! како уязвися, како зле осквернися и како люте неключима бысть! Подтщийся, покайся и припади, вопьющи к Богу, некли муки избавит тя!
Суд без милости, о душе, милости не створшим. Блюди, Христово слово делом покажи, масло щедрот въсприими и свещю покаянья сблюди неугасающю, побди, ожидающи Жениха, да внидеши в чертог спасеных!
Песнь 4. Ирмос:
Провидя духом Амбакум еже до моея нищеты Твое, Христе, схоженье, укрепляяся смотрьно, вопьяше: Яростью напрязи на враги лук Свой, избавляя от плена рабы Своя, немолчьно вопьюща: Слава силе Твоей, Господи!
В мал час раб Христов нарекохъся, во вся же дни и доныне греховьный раб сведеся, делатель быв всякого безаконья, всеми нечистотами осквернивъся и всякой муце повинен быв, оканьный.
Горе, грешная душе: часто каешися и всегда сгрешаеши! Почто не бежиши змье, еяже губительство веси? Како не боишися скоропие, смертное жало имущи? Пролей сльзы преже смерти, да ти угаснет вечный огнь!
Яже приях мнасу и тою купля не творях, но мысльную раскопав землю и леностьным обив платом, неверьем душа посыпах. Но Троице Святая! аще и взя от мене Свое, нъ в кромешнюю тьму, связана, не посли мене!
Явленых и неявленых, ведомых и неведомых и чресъестьствьных безаконий яко Бог прости мя молитвами Богородица, яже за вся молиться! Христе многомилостиве! Тоя ради възведи мя ис пропасти греховныя!
Песнь 5. Ирмос:
Огньный ум Исаия духодвижимо провъзглашаше, утрьнюя к Богу моляшеся приложити зло нечестивым, понеже истины не створиша на земли. Тем възникни, душе моя, от мрака греховнаго и озарися покаянья светом!
Бых подражатель Скариоту Июде неправеднаго именья ради, лика же апостол отпадох, продав истину на лжю, и бых давим отчаяньем. Но не презри мене, Христе Спасе, якоже Петра, плачющагося горко!
Не прелщайся глаголющи, о душе, яко просто кающися спасешися: аще не потерпиши преже конца, слезами горко смеряющися, то лукавым подобна будеши бесом, иже ведуще Бога злое деют, и с ними вечно мучена будеши, аще не плачешися ныне.
Иже рече Господь вдовицю обидиму от суперника. в том же граде и судью неправедна. Град убо рече разумей свое тело, вдовицю же — убогую ми душю, обидиму сердечьными помыслы, и судью — Слово Божие, единого от Троица, ожидающа моего покаяния, и си вся учившиися видят.
Яко всех крестьян Заступниця и Помощница обидимым Мати Божия Пречистая! к Тобе припадаю, моляся, прося отпуста многих ми зол: очисти оскверненую люте убогую ми душю Твоими богоприятьными молитвами!
Песнь 6. Ирмос:
Яко Иона, вопью Ти, Христе, в ките зол моих одержим: Из глубины възведи мя греховныя, даже не искончается душа моя, в Церковь святую Твою приими мою молитву!
Аз к Тобе припадаю, Христе Спасе, прося прощенья моих грехов, иже от уности и доныне на убогую ми сдеях душю. Но яко милостив, дай же ми сльзы покаянья!
Зело милосерд еси, Христе, и смерти не хощеши грешнику. Вожьзи Свою великую милость и Свою обрящи мя драгму, и святыя съзови суседы, и всем створи веселье — ангелом и человеком!
Яко въсуе тружаешися, о душе, особе ищющи спастися, аще не от Бога даст ти ся помощь. Тем усердьно покланяю Ти ся, Троице Святая: спаси мя, на Тя надеющагося!
Яко всех преболши земных и небесных чинов, Дево Пречистая Богородице! к Тобе бо припадаю, моляся: Ходатай ми буди к Сыну си и всех Богу отраду ми подати в день судьный!
Кондак. Глас 8.
Душевнаго падения по вся часы в собе видя и Твое долготерпенье, Слове, преобидя, всех благых лишихъся и всякой муце повинен бых. Но възведи мя, уже отчаяна, Богородица ради, Многомилостиве!
Земная и временьная възлюбив, вечных благ лишен бых. Приди, душе, и возпи Христу: Едине человеколюбче! грешником не отсек надежи, но милость кающимъся пролья, и мене, кающася, не презри! Разумею разбойника, исповеданием спасена, и мытаря, милостынею очищена; ту и блудьницю помышляю плакавшюся, яко во всех положил еси образы покаянья! Мощен же еси и моя отпустити прегрешения, имиже по крещении осквернихся, и чистоту яко Бог подажь ми, и спаси мя люди Богородица ради, Многомилостиве!
Песнь 7. Ирмос:
Ангелом отроки схранив в кипящи пламенем пещи и мучителя, опалив, посрами, яко Бог известуя силу свою, Емуже поюще рцем: В векы благословен еси!
Год покаянья, о душе, не отлагай, мысли прочее, еда яко на Настасья оного, гнев Божий скоро варит тя, и внезапу оставльши все, адьское постигнеши дно.
Феодосья великаго царя бодрое покаянье ты веси, о душе, и чим своя очисти сгрешенья; да и ты от унынья воспряни, омывающи сльзами своя прегрешения!
Якоже чту Бога Отца, тако верую в Сына Христа, единако молю и Духа Святаго, славлю в единьстве Троицю, покланяюся единому Богу и прошю грехов отпуста.
Яко едину имам, Богородице, утеху и прибежище, и Тя на помощь призываю: умоли Христа, Егоже еси родила, милостивому быти сде ныне и в день судный!
Песнь 8. Ирмос:
Царьских детий молитва пещный пламень прохлади и ярость мучителеву победи, и, яко в чертозе, поюще глаголаху: Благословите, вся тварь!
Без добродетели молящися, о душе, аще и въздух исполниши словес, судит ти Павел, глаголя: Пяти слов хощю в молитве с верою, неже тьму словес языком!
Господи многомилостиве! на мя, неспасенаго, призри и худую сию приими молитву, не хытростью слагаему, но от горести убогыя ми душа, о гресех приносиму!
Яко единому Богу в Троици из глубины сердца въпью и верою молю Ти ся, глаголя: Отче наш, иже еси на небесех! отпусти наша долги, ни въведи нас в напасть, но от неприязни избави ны!
Яко заступница сущи верою Тобе молящимся, тем к Тобе ныне припадаю: Не презри, но спаси, Богородице, и всякого избави зла Ты, и мою к Богу донеси молитву!
Песнь 9. Ирмос:
Тя, по естьству Деву и паче естьства Бога рожьшю, Евжину клятву потребивша и Адама от уз избавльшаго, Егоже ныне моли подати ми оставленье грехов, да Тя, Богородице, радостьным сердцем правоверно възвеличим!
Ангели и Архангели, Херовими и Серафими, Власти и Владычьства, Престоли, Господьства и вся Чиноначалья горних чинов молят Тя, Христе, Царю всего мира! Молитвами небесных сил помилуй мя, грешнаго!
Единому Тобе, Христе, съгреших и паче всех Тя прогневах и душю злыми оскверних. Но Своею милостью оцисти мя, послушав моленья божествьных Властий, окрест престола Ти стоящих и за весь мир молящихъся!
Како хощю, осуженый, предъстати Тобе, Судьи всех Богу, обличаем за вся злая моя, яже без ума сгреших, волею себе всего оскверних! Но щедротами Своими, Христе, помилуй мя, осуженаго!
Помилуй мя, Боже, помилуй! Егда хощеши ми судити, не осуди мене во огнь, ни обличи мене яростью Си, — молит Тя Дева Чиста, рожьшия Тя, Христе, и множьство ангел и мученик сбор!
Светален. Небо звезд. На «хвалит». Глас 4.
Престол тщеславьем собе поставих, ложным многословием на нем възлегох, самохвалением вся осужаю, пагубно омрачихъся, дым в солнца место держю, с горы закона уклонихся, яко тощь корабль, мысльными волнами ум погрузих в мирьстем любоименья мори, възлюбих нынешний век и гнусных наполнихъся дел. Господи, потопа греховнаго избави мя!
Колесницю уготових си, похотьми греха утворену, акы коня въпрягох злую скверну и безаконья, имиже несом по широкому пути стыдкаго обычая в последнее сие спасеное крещенье темнаго огня. Не презри мене милостию Си, Иисусе, всего мира грехы въсприим, и настави мя на путь покаянья, да дело с разумом принесу Ти; яко и кадило, приими молитву мою!
Бежати греха помыслих и скоро многими постижен бых.; похоть греха удолжих и еще мысль прилежит ми на зло. Но уподобихъся свиньям, радующимъся сквьрне, и поревновах псом, поядающим своя бльвотины, и утолъстих плоть, и бесом игралище оставих. И како исповеде по числу, а не сведе моих зол? О Христе мой Слове! от греховныя мя работы яко милостив свободи!
Слава.
Богородице, о мире молитвенице и Богу нудителнице, человеком спасителнице и бесом лютая томителнице! хотению Ти, Дево, пресилна сила въследует, токмо въсхощи. Не мьне, Владычице, но имени Твоему дажь славу! Молю ти ся, милостивая, створи, да буду царь телу своему и господин вредом и естьству приставник, подражатель Сына Ти! От помощи Твоея утешение мое скорое!
На стих стихиры. Глас 8.
Еже ми подъкопа враг в первую годину храмину и душевную украде чистоту, понеже в третью годину старости дажь възъбнути на покаянье, да не в гресе и нищете сконьчаюся! Ищете, рекл еси, и просящему дати обещася, и толкущему ми отверзи двьри милости Твоея.
Шатание уности, лицемерье старости — обое без ума притяжах, в лестную одехся ризу и в[е]сь студа наполнихся, се, яко в зерцало приник дел моих, скверны душа моея узрех, и яко во окрине слез моих омыти подвигнуся; дажь ми время покаянию!
Века сего любовию многа имения желаю, а сам долго жити не могу, покаянию год отлагаю, в старости Богу послужити мышлю и лениве свою жизнь скончаваю, сластьными ласкосердуя, похотьми побежаем, горд и величав, и самомнив. Господи, избави мя от смерти тела моего!
Разумное утро Богородице и заре безначалнаго света, въсток сияния славы Отча и чювьствьное солнце светом подарившаго, ангелскый ум разумом кормящаго. Сего многоочитии, видети не могуще, крилы закрываются, — о Мати светлыя чистоты! створи мене сына дни и чадо света!
Блажена, глас 6. Ирмос:
Разбойник оглагола — разбойник же благослови; сия оба на крьсте повешена. Но, о Милостиве, яко тому рци познавшему Тя, Господи, и мне отверзи двьри преславнаго Ти царствия!
Страшен еси, Господи, изливая бещестье на князя, на священикы гнев открывая и судия в плен посылая, по воли сгрешивших и волею не кающихся!
Горе лености моего спасения: людьская грехы присно изедаю, просимыя скоро приемля дары; но си праведничю приимут мьзду, аз же с лицемеры осужен буду! Имь же веси судом, Иисусе, спаси мя!
Падший ми ум въздвигни, Господи, да жертву словесную исповедания уст принесу Ти и душевное кадило — сердца въздыхание. Послушай моего моления, яко отец своего чада немования, и приими мою молитву, яко мати младенца!
Божьство в Собе сый, Свой имея ум, бе присно ум светел, а ино ничтоже се единьство не обято мыслью: никый же ум достигнет, ни Сына кто весть, аще не Дух право сроден просветить приглашати. Троице Святая, спаси души наша!
Марие, небесное кадило! Божественый угль в Собе имела сей, Егоже Моиси в купине, Исаия от серафим, Езекиль в колесих видети сподобишася. Богородице, пресвятое имя, спаси душа наша!
1.1. Канон молитвенный на русском языке (изд. Типографии Киево-Печерский Лавры, 1880 г.)
Песнь 1. Ирмос.
Вспоминая Моисееву десницу, беги, душа, из грехолюбивого Египта и отвергнись рабства разумному Фараону, да примешь палицу креста и пройдешь при помощи смирения море страстей, взывая: будем петь Господу, ибо Он славно прославился.
Становлюсь обличителем против себя самого в злых делах, которыми прогневал я Христа, преступая заповеди Его; предаю письму все помыслы, слова и дела, все скверны и беззакония, вслух всему миру.
Доколе тебе, бедная душа, быть в узах объятой страстями, обидами, немилосердием, гордостью, пьянством? Эти тенета врага сведут тебя живую во ад. Воззови в покаянии: о Христе мой! разорви узы греха и спаси меня!
Неумолкаемо славят огнедохновенными гласами полки серафимов пресвятую Троицу, Содетеля всей твари. И я припадаю, прося прощения грехов моих. О, милостивый Творец! хотя под конец спаси меня!
Как глупые девы, не имею я светильника покаяния и не запасся маслом милосердия; напрасно стучусь в дверь, затворенную для меня. Матерь Божия! избави бедную душу мою от лютой муки.
Песнь 2-я. Ирмос.
Вонми небо! сказал Моисей, написатель второго закона для нарушивших первый. Разумей, душа, свое падение. Бог истинен; Он судит праведно и воздает каждому по делам его.
Помышляя по-адамски, впал я в бесовское; не держась закона, уклонился я в беззаконие; возненавидев свет, заблудился в греховной тьме.
Как Ламех, исповедую пред всеми грехи свои, а злого обычая нисколько не оставляю. Горе мне окаянному, достойному всех мук!
Как многомилостивый Бог, прими меня кающегося и подай мне прощение многих моих согрешений, да прославлю я Тебя в Троице, Отца и Сына и св. Духа.
Будучи всех грешнее, не смею взглянуть на небо, но к тебе припадая, вопию: Матерь Божия пречистая! умилосердись надо мною и избавь меня от вечного мучения.
Песнь 3-я. Ирмос.
Как Бог всесильный, изнемогшую от грехов душу мою и сердце, запустевшее от зла, сотвори доброплодными: приношу Тебе молитву духа сокрушённого.
Если вспомню свои дела, отчаяние поражает меня; ибо не совершил я угодного Богу, но, прельщенный врагом, выполнял все похотения плоти. И кто не оплакивает меня, подвергшегося тяжкой погибели?
Душа моя! очень горестною темницею и тяжкими оковами служат страсти твоего злопамятства. Если не избавишься от них, то сама себя предашь злым бесам и будешь ими тяжко томима, как пленница.
Как человек согрешил я, но прости меня, как Бог,—Отец, Сын и святый Дух! с верою покланяюсь Тебе и ищу Твоей милости до последнего издыхания.
От века поставленная заступница всех христиан и ходатаица пред Богом, Мария богоизбранная, Владычица! прими мое моление и подай прощение моих прегрешений Твоими молитвами!
Седален.
О всестрастная душа! как ты изранена, как много осквернена, как совершенно ни к чему не годна! Поспеши, покайся и припади с воплем к Богу; быть может Он избавит тебя от муки.
Душа! суд без милости не соделавшим милости; смотри, будь внимательна, выполни на деле слова Христовы; возьми масло щедрот, не угаси света покаяния, бодрствуй, ожидая Жениха, чтобы войти тебе в чертог спасенных.
Песнь 4-л. Ирмос.
Аввакум, провидя духом Твое, Христе, снисхождение до моей нищеты, прозорливо и настойчиво взывал: с яростью напряги лук свой на врагов, избавляя из плена рабов своих, неумолкаемо вопиющих: слава силе Твоей, Господи!
Недолго я носил имя раба Христова, а во все дни жизни и доныне оказался рабом греха, совершая всякое беззаконие, оскверненный всеми нечистотами и повинный всякой муке,—несчастный!
Горе тебе, грешная душа! ты часто каешься и постоянно грешишь; отчего ты не избегаешь змеи, пагубность которой тебе известна? отчего не боишься скорпиона, имеющего смертоносное жало? Прежде часа смертного, пролей слезы, чтобы угасить вечный огонь.
Я получил монету и не пустил ее в оборот, но раскопав мысленную землю, обернул монету платком лености и засыпал душевным неверием. Но Троица святая! взяв от меня обратно свои дары, не пошли меня связанного в тьму кромешную.
Явные и сокровенные, ведомые и неведомые и противоестественные беззакония прости мне, как Бог, по молитвам Богородицы, которая за всех молится. Христе многомилостивый! Ея молитвами изведи меня из пропасти греховной!
Песнь 5-я. Ирмос.
Движимый духом, Исаия провозглашл откровения своего пламенного ума; в утренней молитве к Богу просил о приложении зла нечестивым, ибо они не совершили правды на земле. Возникни же, душа моя, из мрака греховного и озарись светом покаяния.
Я сделался подражателем Иуде Искариоту, собирая неправедное имение; я отпал от лика апостольского, променял истину на ложь, и был подавлен отчаянием; но не презри меня, Христе Спаситель, как не презрел Ты Петра, горько плакавшего.
Не обольщайся, душа, надеждою, что ты спасешься одним покаянием; если прежде конца ты не окажешь подвига терпения и смирения с горькими слезами, то будешь подобна бесам, которые, зная Бога, творят зло,—и с ними будешь вечно мучена, если не восплачешься теперь.
Господь говорил о вдовице, обидимой от противника, и о неправедном судии в том же городе. Под городом в притче разумей свое тело, а под вдовицею убогую душу, обижаемую сердечными помыслами, а под судьею—Слово Божие, второе лице святой Троицы, ожидающее моего покаяния. Это (толкование) известно всем учившимся.
Заступница всех христиан и помощница обидимым, Матерь Божия пречистая! к тебе припадаю, молясь и прося прощения многих моих грехов; очисти мою оскверненную бедную душу твоими богоприятными молитвами.
Песнь 6-я. Ирмос.
Как Иона вопию к Тебе, Христе, я, заключенный внутри кита моих злых свойств; пока не погибнет душа моя, возведи меня из глубины греховной в Твою святую церковь; прими мою молитву.
Христе Спаситель! припадаю к Тебе, прося прощения многих моих грехов, которыми я обременял свою бедную душу от юности и доныне; но, как милостивый, дай мне слезы покаяния.
Весьма милосерд Ты, Христе, и не хочешь смерти грешника; но зажги свою великую милость и найди меня—свою драхму, и созови святых соседей и сотвори всем торжество—ангелам и человекам.
Напрасно стараешься, душа, спастись сама, если не дана тебе будет помощь от Бога! Посему усердно покланяюсь Тебе, святая Троица; спаси меня, надеющегося на Тебя!
Высшая всех чинов небесных и земных, Дева Пречистая Богородица! к тебе припадаю с молитвою: ходатайствуй пред Сыном твоим и Богом всех о даровании мне отрады в день суда.
Кондак.
Видя свое ежечасное душевное падение и злоупотребляя Твоим, Слове, долготерпением, утратил я все доброе и стал повинен всякой муке; но ради Богородицы, многомилостивый, подними меня уже отчаявшегося.
Возлюбив земное и временное, я лишился вечных благ; приди, душа, и воззови Христу: единый Человеколюбец, Ты не отнял у грешников надежды, но оказал милость кающимся,—не презри и моего покаяния; я вспоминаю разбойника, спасшегося своим исповеданием, и мытаря, очистившегося милостынею,—помышляю и о блуднице плакавшей,—ибо во всех сам Ты положил нам образ покаяния, Ты можешь простить и мои прегрешения, которыми я осквернился после крещения. Даруй же мне, как Бог, чистоту и спаси меня ради Богородицы, многомилостивый!
Песнь 7-я. Ирмос.
Ты чрез своего ангела сохранил юношей в раскаленной печи, а мучителя опалил и посрамил, являя силу свою, как Бог. Воспевая Тебя, говорим: во веки Ты благословен!
Душа, не отлагай времени покаяния! Подумай, как бы не предварил тебя гнев Божий, как Анастасия (императора, пораженного молнией – от ред.) и тогда, оставив все, пойдешь на адское дно.
Ты знаешь, душа, бодрое покаяние царя Феодосия великого, и чем он очистил свои согрешения; воспрянь и ты от уныния, омывая слезами свои грехи.
Как я чту Отца, так верую и в Сына Христа, равным образом молюсь и Духу святому: славлю Троицу в единстве, покланяюсь единому Богу и прошу прощения грехов.
Имею тебя, Богородица, единственным утешением и прибежищем, и тебя призываю на помощь: умоли рождённого тобою Христа, да милостив будет мне и ныне в здешней жизни, и в день суда.
Песнь 8-я. Ирмос
Молитва царских юношей охладила пламень печи и победила ярость мучителя, и они, как бы в чертоге, воспевали так: благословите Господа все создания.
Душа! если ты станешь молиться, не творя добрых дел, то, хотя-бы ты наполнила воздух словами, осудит тебя Павел, сказавший: предпочитаю пять слов в молитве с верою, чем тьмы слов, сказанных только языком.
Многомилостивый Господи! призри на меня скорбного, и прими сию худую молитву, не искусственно слагаемую, но приносимую Тебе в умилостивление за грехи от горести моей бедной души.
Тебе, единому в Троице Богу, из глубины сердца своего и с верою молюсь так: Отче наш, пребывающий на небесах! прости наши грехи, не введи нас во искушение, но избави нас от лукавого.
Ты—заступница с верою молящихся Тебе; припадаю ныне к Тебе: не презри, Богородица, но спаси меня и избавь от всякого зла и донеси Богу мою молитву!
Песнь 9. Ирмос.
Ты—по естеству Дева и сверхъестественно родила Бога, истребившего проклятие Евы и избавившего Адама от оков; моли Его ныне, да подаст мне прощение грехов, да с радостным сердцем правоверно тебя, Богородица, возвеличим.
Ангелы и архангелы, херувимы и серафимы, власти и владычества, престолы и господства и все чиноначалия небесных чинов молят Тебя, Христе, царь всего мира; молитвами небесных сил помилуй меня, грешного.
Пред одним Тобою, Христе, согрешил я и более всех прогневал Тебя и душу осквернил злом; но по Своей милости очисти меня, послушав моления божественных властей, окружающих престол Твой и за весь мир молящихся.
Как мне, осужденному, предстать пред Тобою, судия всех Боже, тогда как совесть обличает меня за все мои безумные грехопадения, которыми я произвольно всего себя осквернил? но щедротами Твоими, Христе, помилуй меня осуждённого.
Помилуй меня, Боже, помилуй: когда станешь судить меня не осуди меня в огонь, не обличи меня яростью Твоею; умоляет Тебя Дева чистая, родившая Тебя, Христе, и множество ангелов и собор мучеников.
Светилен.
Своим тщеславием я соорудил себе престол, лживым многословием занял место на нем; восхваляя себя, осуждаю всех других; омрачился пагубно, ибо дым служит для меня вместо солнца; я удалился с горы закона;—свой ум, как пустой корабль, я затопил мысленными волнами в мирском море любостяжания; я возлюбил нынешний век и преисполнен гнусными делами. Господи, избавь меня от греховного потопления!
Я приготовил себе колесницу, составленную из грешных пожеланий; вместо коня я запряг злое осквернение и беззаконие; они несут меня по широкому пути постыдного обычая, доколе, наконец, не погрузят в темный огонь. Не покинь меня своею милостью, Иисусе, принявший грехи всего мира, и наставь меня на путь покаяния, да принесу Тебе плод разумного делания, и прими молитву мою, как кадило.
Я решился бежать от греха и скоро был настигнут многими гонцами; грешная похоть привязалась ко мне и мысль моя еще прилежно обращена на зло. Я уподобился свиньям, любящим грязь, и псам, поедающим свои извержения, я утучнил плоть и сделал ее игралищем для бесов,—и как я могу подробно исповедать и даже только сознать свои беззакония? О, Христе мой, Слове! как милостивый, освободи меня от греховного рабства.
Слава.
Богородица, молитвенница за мир, неотступная предстательница пред Богом, спасительница людей и лютая томительница бесов! твоим желаниям, Дева, сопутствует мощная сила; только пожелай! не мне, Владычица, но имени твоему дай славу. Молюсь тебе, милостивая, устрой так, чтобы я быль царь над своим телом и господин над тем, что вредит мне, и распорядитель над природою своею и подражатель Сына твоего. От твоей помощи зависит мое скорое утешение.
На стиховнах стихиры.
Враг в первый час подкопал мою храмину и украл душевную чистоту; даруй мне хотя в третий час старости пробудиться для покаяния, да не умру во грехе и нищете. Ты сказал: «ищите» и обещал дать просящему и стучащемуся мне отворить двери милости Твоей.
Шаткость юности, лицемерие старости—и то и другое я неразумно усвоил, я облекся в обманчивую одежду, а внутри наполнен весь стыдом; и вот, посмотрев как бы в зеркало дел моих, я увидал осквернение души моей, и желаю омыть оное в сосуде слез моих: дай мне время на покаяние.
Любя сей век, я желаю многих имений, а сам долго жить не могу; отлагаю время покаяния, надеюсь в старости послужить Богу и в ленности оканчиваю свою жизнь, гоняясь за удовольствиями, побеждаемый похотями, гордый, величавый и самомнительный. Господи, избавь меня от моего смертного тела.
Разумное утро—Богородица, заря безначального света, восход Того, Кто есть славы Отчей, Кто наделил светом чувственное солнце, Кто озаряет светом разума умы ангелов. На Него не могут смотреть многоочитые и закрываются крылами. О Матерь светлой чистоты! соделай меня сыном дня и чадом света.
Блаженны гл. 6. Ирмос.
Разбойник порицал, разбойник благословлял: оба были повышены на кресте; но—Милостивый!—скажи мне тоже, что разбойнику, познавшему Тебя. Господи! отвори и мне двери преславного Твоего царствия.
Ты страшен, Господи, покрывающий бесчестием князя, поражающий гневом священников, посылающий в плен судей, которые по своей воле согрешили, но по своей воле не каются.
Горе мне, не пекущемуся о своем спасении! я постоянно питаюсь от людских грехов, быстро принимая выпрашиваемые дары; но датели примут награду праведника, а я буду осужден с лицемерами. Иисусе! каким знаешь судом, спаси меня.
Господи, воздвигни мой падший ум; чтобы я принес Тебе словесную жертву—исповедание уст, и душевное кадило—воздыхание сердца; послушай моего моления, как отец слушает лепетание своего дитяти: прими мою молитву, как мать, заботящаяся о своем младенце.
Божество само в себе, ум самосущий, ум всегда светлый и ничто иное; единство, необъемлемое мыслью, недостижимое никаким умом; и никто не знает Сына, если сосущественный Дух не научит взывать: Троица святая! спаси души наши.
Мария—небесное кадило! Ты имела в себе божественный уголь, видеть который сподобился Моисей в купине, Исаия при посредстве серафимов; Иезекииль—в колесах. Богородице, пресвятое имя, спаси души наша!
2. Канон Ккриила епископа Туровскаго по вся дни к Господу Богу о покаянии на обличение грехов своих. (РНБ, Кирилло-Белолерское собр., 1490 г.)
Песнь 1-я. Ирмос: Моисееву поминающе, душе моя, десницу, бежи грехолюбиваго Египта и разумнаго фараона отвержи работы, да крестную приимши палицу, страстное пройдеши море, смирением вопиюще Господеви поем, славно бо прославися.
Слава Тебе, Боже наш, слава Тебе!
Чего ожидаю и что на время взираю, мимошедшая лета помышляю и разумею множество зол моих, от нихъже обрати мя, Христе, да пию судеб Твоих пелынь на прогнание греховнаго вреда, даже не затворятся двери покаяния и обличатся тайны, и испытуются дела и мысли, и осудятся грешницы.
Слава Тебе, Боже наш, слава Тебе!
Хощу ныне изглаголати пред образом Твоего подобия, Христе, души моея всю горесть и нерадство, и слабость тела моего, аще бо греси мои претят ми молчати, но от болезни сердца моего исповедаю Ти ся. Ибо делатель, погубив семена, не оста ролии, и купец, чужая заим, страждет покаяния ради. Господи, спаси мя!
Слава:
Инех святаго житие хвалю, а своих грехов не остануся, яко инем подая закон, но паче всех беззаконствовах и самех христоубийц горей бых. Даный ми талант зле погубих, аще Ты, Господи, не воздвигнеши дому, суетно бо есть спасение человеческо.
И ныне:
Ныне убо к кому воззову, и кто ми плачь и болезнь приимет и от сердца воздыхание, но токмо ты, Пречистая Дево, упование христианом и всем грешным!
Песнь 3-я. Ирмос: Яко Бог всесилен, изнемогшую грехми душу мою и сердце злыми запустении, доброплодоносно сотвори, да духом сокрушенным молитву Тебе принесу!
Слава Тебе, Боже наш, слава Тебе!
От пелен врагом в плен веден бых, и бесовским запален огнем, безаконием кипя, всяк грех совершаю, нимало не боли покаянием, и с погибаю величался. Христе мой, спаси мя, отчаяннаго!
Слава Тебе, Боже наш, слава Тебе!
Во юности беззаконие возрасте и нечистыя похоти, и во старости стыдная дела, и чрезъестественныя грехи, и доселе не остах скверны, диаволом лстим. И отныне, Господи, каюся; избави мя вечныя муки!
Слава:
Век мой скончавается, а страшный престол готовится, и судий ждет, претя ми огнем и мукою и пламенем негасимым. Слез тучю подаждь ми и угаси его силу, Хотяй спастися всем человеком!
И ныне:
Мати Божия пречистая, стено християном! избави люди своя, обычно вопиющыя! Противящияся врагом гордым, и мыслем да вопием ти: Радуйся, обрадованная!
Седален, глас 8
Шествия лукавная тайно ходившу ми, не утаишася всевидящаго ока Божия, и ложную веру сохраних, и сохраних истинну в неправде. Аки бы искушая Бога, зло дею и всю чреду, аки волк, смятох, тем праведным осужден бых судом, отмщение моих беззаконий пред всеми прииму; геена болит и прочия муки чающи прияти мя, осужденнаго. Милостивным Твоим взором тогда видев, Христе, помилуй мя!
Песнь 4-я. Ирмос: Провидя духом Аввакум еже до моея нищеты Твое, Христе, схождение, укрепляя смотрение, вопияше: Яростию напрязи на враги лук мой, избавляя от плена немолчно вопиющия: Слава силе Твоей, Господи!
Слава Тебе, Боже наш, слава Тебе!
Философ хитроречия и певец доброгласия, от юности не навыкох и о гресех прилежах, весь сквернен сведохся. Милостивеве Господи! приими мою худую молитву, но мудростию слагаему и от горести души о гресех приносиму!
Слава Тебе, Боже наш, слава Тебе!
Хитроглаголиво слово, уветлива уста, быстростружуща речь языка, но избавити мене от муки, зломыслена имуща сердце, оскверняющими в похотех душу и во глубине огненной погружаем. О милостивый Спасе! даждь ми время покаянию!
Слава:
По смерти убо тамо ни делати могу, ни молитва ми приятна, ныне прошу слезам тучю со упованием. Даждь ми, Христе, далети покаяния доброплодна ниву и пожди радостныя жажди, да принесу Ти спасения плоды!
И ныне:
Явленных и неявленных, видимых и невидимых и чрезъестественных безаконий яко Бог прости мя молитвами Богородицы, иже за вся молится! Христе многомилостив! тоя ради возведи мя из бездны греховныя!
Песнь 5-я. Ирмос: Огненный ум Исаиа духодвижимо провозглашаше, утрениа к Богу моляшеся: Приложи зло нечестивым, прежде истинны не сотвориша на земли! Тем возникни, о душе моя, от мрака греховнаго, озарися светом покаяния!
Слава Тебе, Боже наш, слава Тебе!
Заиде враг без студа, на мя нападе, воскрежета зубы завистию. Много брахся, и преможе мя. Впадох в сете его и, аки зверь на убиение, улови мя и стрелою безакониа устрели мя, и мечем греха порази мя. Иисусе, всех врачю, исцели мя!
Слава Тебе, Боже наш, слава Тебе!
Искусник моея веры прежде на зло пострычет мя, не егоже аз ненавижу, но любовными много вещми, аки узами, связан и в прочая влечет мя грехи и хвалится о моей погибели. Но кающася, Христе, приими мя!
Слава:
Ослаби ми, Господи, ослаби ми и не погуби мене со безаконии моими, но покажи на мне Свою богатую благость, еже утреневати и славити Тя, Единаго человеколюбца!
И ныне:
Мати человеколюбца Бога! Егда молитву приносиши к Богу за род христианский, помяни мене, грешнаго, да не препрен буду воздушными мытари, да не отягчают греси мои в мерилех на воздусе, и светолучным аггелом предай мя!
Песнь 6-я. Ирмос: Яко Иона, вопию Ти, Христе, в ките зол мои одержим; из глубины греховныя возведи мя, даже не скончается душа моя, в Церковь святую Твою приими мою молитву!
Слава Тебе, Боже наш, слава Тебе!
Ревную душею в дело Господне, а телом низпадаю во грех; воздержим от единаго сердечнаго корения, аки древу ветви многи, помышления, от нихже, Христе, сухая истреби, сиречь греховныя, да не с ними во огнь ввержен буду!
Слава Тебе, Боже наш, слава Тебе!
Щаден бых и доныне, яко древо во ограде закона Христова, никогдаже не сотворих ми благоплодия моему Владыце и Благодателю, трепещу проклятия с посечением, аще покаяния плоды на оно лето не принесу.
Слава Тебе, Боже наш, слава Тебе!
Земля украшается цветы, древо похвалимо плод деля; аз же различными грехи осквернихъся и, теми съблюдом, удалихся от Благодавца. Но яко милосердый омый мя от скверны прегрешений моих!
Слава:
Дреманием злым обьят бых, окаянный, и сон нечаяния покры мя, но бодрым милосердием, Господи, воздвигни мя и спаси!
И ныне:
Мысленныя двери жизни, Пречистая Богородице, припадаем ти верою; от напастей избави ны, яко прославляем твое рожество! Моли о спасении душ наших!
Кондак, глас 8
Душевнаго падения по вся часы в себе видя и Твое долготерпение, Слове, преобидя, всех лишихся и всяцей муце повинен бых. Но возведи мя уже, отчаянна, Богородицы ради, Многомилостиве!
Икос
Земная и временная возлюбих, вечных благ лишихся. Христе Иисусе, Едине человеколюбче, грешником неотсекаемая надежда, но милость кающим съ пролия! и мене, кающася, не презри, Иисусе! Разумею бо разбойника, исповеданием спасена, и мытаря, милостию очищена, и блудницу помышляю плачущуся, яко во всех положил еси образы покаяния, претиши бо милостивно и милосердуеши тепле, кающася видиши и правду течеши яко Отец! Аще восхощеши, мощен бо еси и моя отпустити грехи, имиже и по крещеннем обете осквернихся и по обещании иноческаго жития, но чистоту яко Бог подаждь ми молением Пречистыя Ти и всепетыя Богоматере!
Песнь 7-я. Ирмос: Аггелом отроки сохрани в кипящей пламенем пещи и мучителя, опалив, посрами, яко Бог известуя силу Свою, Егоже поюще рцем: Вовеки благословен Бог отец наших!
Слава Тебе, Боже наш, слава Тебе!
Чюжих грехов испытник, а своего беззакония хранитель, оправдаюся языком, а делы горее неверных, аз, окаянный, сведохся, инем треску во оке видя, во своем же бервна не чую. О милостивый Господи! имже веси судом и спаси мя!
Слава Тебе, Боже наш, слава Тебе!
Не могу изобрести от века подобна мне грешника, того ради обьят тугою и нечестива себе нарицаю. Лицемер пред человеки и пред Богом безаконен, о чем первее покаюся, аще не Ты, Христе Боже мой, милостию спасеши мя!
Слава:
Покрыв раб талант, иже в делание от Тебе прият, аз бых то, окаянный. Что сотворю, егда приидеши судити, когождо дело взыщеши? Но пощади мя, Господи, а не во огнь посли, Милостиве!
И ныне:
Беседуя Евжински с плотными похотми, аки безсловесным гадом прелщенны бых люте, и многа добра лишихся. Защитнице страшная, преславнаа Богородице Марие! избави мя брани диаволя!
Песнь 8-я. Ирмос: Царских детей молитва пещный пламень прохлади и ярость мучителеву победи, яко в чертозе поюще, глаголаху: Благословите вся дела Господня и превозносите Его вовеки!
Слава Тебе, Боже наш, слава Тебе!
Никий же мир сего сан от вечныя избави муки преступающих Божия заповеди, не ложь бо есть Судяй не на лица. Но Тебе молюся, Владыко: очисти мя прежде конца!
Слава Тебе, Боже наш, слава Тебе!
И мало, и много зде поживши, никакоже избыти смерти, понеже тамо испытание делом; зде, Боже, прости мя, да не яко безбожен тамо мучим буду!
Слава:
Уврачуй ми ум сластолюбием жития уязвен, и укроти волнение страстей моих, и на путь покаяния возведи мя, да умилным гласом вопию Ти: Господи, не осуди мене по делом Твоим, но милосердием спаси мя!
И ныне:
Богородице Дево! отреши ми язвы люте гниюща, неявлением масла слезами омый, и платом покаяния обвяжи, и здрава мя сотвори, и со одра нечаяния востави, и всякаго избави зла и козней, и к Сыну твоему донеси мою молитву!
Песнь 9-я. Ирмос: Тя, паче ума естественную Деву и паче естества Бога рождши, Еввину клятву потребившаго и Адама от уз избавлшаго, Егоже моли непрестано подати ми оставление грехов, да тя, Богородице, радостным сердцем правоверно возвеличим.
Слава Тебе, Боже наш, слава Тебе!
Взях крест Христов, егоже до конца не понесох, како ли христианин нарекуся, ни единаго бо обета чисто сохраних, при всем солгах Владыце моему Христу. Бежит птица скоро орла, аз же скачю скоро ко греху! Аки рыба, пожер удицу, цепима есть, тако и аз множеством зол! Но, Господи, милостию Твоею спаси мя!
Слава Тебе, Боже наш, слава Тебе!
Царским нравом путем ходити и Христова закона не изволих хранити, уклонихся к стези неблаги, на греховныя наступих терние, и тем сножен бых люте. К Тебе, Христе, вопию: Даждь ми слезы покаяния и омый мой душевный гной, и сотвори мя, Спасе, неимуща скверны!
Слава:
Хотяй всем человеком спастися и на первое достояние привести многим милосердием, убогую ми душу посети, Господи! Все жите блудно иждивша, яко блудницу, приими мя и помилуй мя!
И ныне:
Един от Троицы Христос, истинный Бог наш, молитвами святыя Богородицы, и предтечи Иоанна, и небесных сил: апостол же, пророк и мученик, святитель же и преподобных, посреде всех святых достохвалный испусти глас: Отпущают ти ся греси твои, иди в вечный живот!
Молитва ко Господу
Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных Твоих Таинств, молитвами Пречистыя Твоея Матере и всех святых Твоих. Аминь.