ПЕРЕЙТИ на главную страницу творений
Молитва Пресвятой Богородице
Молитва пред иконой Божией Матери «Споручница грешных»
Молитва о благотворящих нам
Исповедание грехов
Предсмертная молитва митрополита Трифона
Молитва Пресвятой Богородице
О Пресвятая Владычице! Заступница о нас грешных пред лицем Божиим усердная! Спаси нас слабых, беззащитных и неразумных детей Твоих! Сохрани нас под кровом Твоим, настави, вразуми и уврачуй наши легковерные и мятущиеся души. Укрепи в нас веру твердую и непоколебимую. Ты видишь, Пресветлая и Всечестная Владычице Богородица, что мы гибнем в бездне неверия, страсти овладевают нами и не хватает наших сил бороться с ними. Страдания, трудные испытания, усугубляемые тяжелою годиною, посылаются нам. Укрепи же в нас веру пламенную и умножи наши силы. О, Пресветлая Матерь Божия, дабы не поступиться нам нашим вечным спасением ради прелести мирской, молим Тебя усердно и со слезами восклицаем: Ты нам помози, на Тебя надеемся и Тобою хвалимся. Так как все – Твои дети. Не будет, и не будет для нас матери другой, равной Тебе по благости и милосердию. Аминь.
Молитва пред иконой Божией Матери «Споручница грешных»
О Всепетая Мати, о надеждо всех христиан! Ныне, в сей день священный Твоего праздника, всею душею и всем сердцем чувствуем мы Твое невидимое среди нас пребывание. Созерцаем душевными очами Твой Покров, распростертый над нами, грешными детьми Твоими, и с веселием и радостью восклицаем Тебе: «Откуда нам сие, да прииде Мати Господа нашего к нам». Так некогда рекла святая праведная Елизавета, и вострепета младенец радостно во чреве ея. Светлою надеждою трепещет и наше сердце в груди, яко Ты не оставляешь нас, Споручнице грешных. Поручаем мы Тебе, нашей Небесной Матери, себя самих, слабых, унылых, непрестанно падающих во многие великие согрешения, теряющих от уныния нашего и веру, и надежду, жестоких сердцем, не имеющих любви к ближним. Помоги нам, Споручнице грешных! Поручаем Тебе, Матерь Милосердная, наших братьев и сестер скорбящих, плачущих, болезнующих, впадших в отчаяние. Помоги им, Споручнице грешных! Поручаем Тебе, о Матерь человеколюбивого Бога, всех дорогих и любимых наших усопших отцов, матерей, братьев и сестер и всех христиан, наипаче тех, о коих некому помолиться. Защити их и помоги им, Споручнице грешных. Ныне день, именуемый Торжеством Православия, умоли Всемогущаго Бога, да торжествует непрестанно в земле нашей вера апостольская, вера отеческая, вера Православная, еюже крепцы и сильни быша праотцы и отцы наши, да все русские люди, имея Тебя Заступницей Усердной, восклицаем Тебе победную песнь: «Радуйся, Споручнице грешных, надеждо крепкая земли нашей503».
Молитва Иоанну Крестителю
О, Крестителю Христов, о проповедниче покаяния! Ныне, в дни покаяния Великаго поста, в храме сем, тебе посвященном, именуем тебя своим покровителем и молитвенником, молим тебя и просим: помолись за нас, слабых, маловерных, унывающих, печальных, во многия беды и скорби впадших, Владыке и Богу нашему Господу Иисусу Христу. Да утешит нас Своею благодатною помощию, да дарует нам покаяние и терпение, да озарит наши грешныя и темные души светом Своей любви и истины. Много бо может твоя молитва. Ты первый воззвал ко грешным людям: «Покайтеся и веруйте в Евангелие». Обнови наши души покаянием, как вторым крещением, ибо обоих ты являешься начальником: крещением омывая прародительский грех, покаянием очищая души от греховных скверн. И очисти в нас, грехами оскверненных, и просвети благодатию Святаго Духа. Введи с собою в Царство Небесное, Царство любви, света, и вечной истины, и правды. Аминь.
1931 год
Молитва о благотворящих нам
Господи Боже Спасителю наш! Призри с небесе святаго Твоего и приими смиренное благодарение наше за великия щедроты Твоя, на нас недостойных бывшая, и услыши моление наше о рабех Твоих (имярек), яже избрал еси быти благотворящий нам и имиже явил еси на нас неизреченныя Твоя милости. Благодарим Тя, Господи Боже наш, яко не оставил еси нас сирых в скорбех и напастех, но послал еси нам слуги Твоя, благотворители наша (имярек), да исполнят над нами благое Твое произволение. Хвалим, благодарим, славословим Тя, Господи, тепле припадаем к Тебе, поклоняемся Тебе и молимтися. Благословением Твоим, Господи, благослови рабы Твоя (имярек), сотворивыя нам благая, и сторицею, Человеколюбие, воздаждь им богатою Твоею милостию. Покрый их, Господи, спасительною десницею Твоею, во вся дни живота их и буди им помощник и покровитель во всех делах их. Ангелом Твоим, Господи, заповеждь о них, сохранити их во всех путех их, и милосерд к ним, Милостиве, буди милосердия их ради. Веселия и радости исполни, Господи, сердца их, мир Твой, здравие и спасение подаждь им. Спаси и помилуй рабы Твоя (имярек), благотворящий нам, благодатию Твоею во веки веков. Аминь.
Исповедание грехов
Исповедую аз, многогрешный(-ая) раб(-а) Божий(-я) (имя), Господу Богу моему Иисусу Христу и тебе, Владыко и отче, вся согрешения моя, вся злая дела моя, яже содеях во вся дни живота моего, яже помыслих, яже глаголах, яже волею своею сотворих и неволею, яже вем и яже не вем, прости ми вся сия.
Согреших малодушием, маловерием, несоблюдением христианских заповедей закона Божия, леностию к молитве и к посещению храма Божия, кощунством, ропотом и хулой на Самаго Господа Бога, осуждением всех человек, живых и мертвых, завистию, гневом, яростию, ненавистию, злопамятством, клеветою, корыстолюбием, желанием славы, чести и почитания, тяжбою, утаением чужих вещей, обвинением во всем близких, а не укорением себе самаго(-ой) в своих поступках, рассеянностию ума, холодностию и окаменением сердца, услаждением и укоснением в скверных, нечистых, сладострастных помыслах, греховным воззрением на лица; зрением, слухом, обонянием, вкусом, осязанием и всеми моими чувствами душевными и телесными. Во всех сих каюся, жалею, виновным(-ой) себе пред Богом представляю и имею волю впредь, елико возможно, с помощию Божией, соблюдатися от всех сих.
Ты же прости мя, Владыко и отче, благослови, разреши и помолись о мне грешнем(ой).
Предсмертная молитва митрополита Трифона
Господи Иисусе Христе, Боже наш, молитвами Пречистыя Твоея Матери, святых ангелов-хранителей наших и всех святых, приими мою усердную молитву за всех моих чад духовных, живых и мертвых.
Приими молитву за всех благотворящих мне, милующих, и даруй всем милость Твою великую: живых соблюди в мире и благосостоянии, усопшим даруй вечный покой и бесконечные радости.
Господи Боже мой, видишь Ты искренность молитвы моей, яко ничем не могу возблагодарить их, токмо сей усердной моей молитвой.
Приими же сия словеса моя, яко дело благотворения, и помилуй всех нас.
23 мая /5 июня 1934 года