ПЕРЕЙТИ на главную страницу творений
ПЕРЕЙТИ на главную страницу сборника стихов свт. Димитрия
(Язык оригинала, с частичной адапт. Ники (в скобках). (Озвучено Никой и предлагаются песнопения)
(Некоторые стихи без сомнения принадлежат свт. Дмитрию, другие — очевидно, третьи — возможно, но составитель сайта оставляет их все по источнику «Літописи». Те стихи, которые, без сомнения, очевидно принадлежат свт. Димитрию, будут выделены римскими цифрами. Вероятно, с основанием — почти все остальные стихи)
1. Христос есть глава
🎧2. Камо, сладкій Ісусе, съ крестом грядеши?
3. Почто Глава в терніи изволи ходити?
🎧4. Вем, почто, Ісусе мой, в Египет грядеши
5. «Где, о Мати, твоего подела-сь отрока?
6. «Дажд ми сосца, сосца дажд, о благая Мати!»
7. «Востани, Славо Моя», — яко рекл Бог до Сына
8. До каменнаго гробу, Христе, не кладися
9. Двигаеш, о Христе мой, Сам крестное бремя
🎧10. В особах подорожных, кгды, Тро[й]це святая гостиш у Авраама
11. В матернем чреве
12. Аки плод некій красен, лице Твое, Боже
13. Образом сый человек, единородній Сыне
🎧14. Не убоюся и в нощи падежа
15. О зачатіи Божіаго Сына Радуйся
16. Сердце ми, Христе, аду ест подобно
17. Божія Сына родиши без мужа
18. Пред рождеством неврежденна
19. С орудіи страстными в серци седиши
ХХ. Увы, мне, Сыне, увы мне, сладчайшій
🎧XXI. Идеже творяшеся железо от блата
22. Богослове, умоли Слова воплощенна
23. Обед в небе Ты яси, Боже благодати
24. К Златоусту бренными устнами молюся
25. Образ Девы Марія яже усмотрела
26. Варваро, от варварска храни нас находа
27. Образ добра воина, до смерти страдавша
28. В позорах древле копіи ношаху
29. Даніил преподобный, на столпе стоящи
ХХХ. С[вятому] м[ученику] Севестіану
31. Под трупюю голову
ХХХII. Преподоб[ному] Герасиму
ХХХIII. Преподобному Евстратію Печерскому
XXXIV. Святому Игнатію
🎧XXXV. От Патерика слово XIX о смотреніи
XXXVI. Там же. Рече авва Пімин
XXXVII. От святаго Ніла. Глава LVIII
🎧XXXVIII. От Патерика, глава XIII
🎧XXXIX. От того ж, глава XCVII
40. Рыдал би еси
41. Полунощ Христа вяжет
42. Деянія святых апостол
43. Вірши семдесяти и двом апостолом
44. [Вірші на Апокаліпсис]
XLV. О преподобном Лаврентіи Печерском
XLVI. Преподобному Антонію Печерскому
47. На образ всех преподобніх печерских
🎧48. Христос зраненый
XLIX. На Христову главу страстную
🎧50. Ко Магдалине, плачущой у ног Христовых
Грешник и Магдалина у ног Спасителя (из журнала Воскресное чтение, 1837 г. №3)
LI. Стоя посреде, семо и овамо
52. Каков Василій, Ефрем молитствует
53. О убогом и богатом, молящимся в церкви
54. Бытія, XV
55. Цар Давид гуслы держит
🎧LVI. На кресте мой сладчайшій Ісус протяженный
57. Призри на лице Христа твоего Ісуса
58. В столпе облачном к людем глаголавый
59. Незлобіе Господне в ярость пременися
60. Святому Дамаскину вірши
61. Ілія, Сидонскую страну шествующе
62. Петру, до Іопіи в проповедь пришедшу
63. Павел, егда Христова закона учаше
64. Спасеніе Христос на кресте содеявый
LXV. ИжЕ в РунЕ инОгда прообразованна
LXVI. «Книга отверзеся, яже есть живота» (Апокалипсис, 20)
LXVII. ИзсохшЕ нам се Руце орОси, о мати
68. О иконе чудотворной Ил[л]инской Черніговской
🎧69. Кіевокалекскія (О горе мні, грішнику сущу) (песнопение сокращенное)
🎧70. Взирай с прилежаніем, тленный человече (песнопение)
71. Господи мой, ярость Твою не покажи надо мною
LXXII. Добраго воя цареви избранна
LXXIII. Зрящи Сина, поносной смерти [о]сужденна (плач Богородицы)
🎧74. Имам аз своего Иисуса моего (песнопение)
LXXV. Нас деля (ради) распятаго Марія видящи
LXXVI. О возлюбленны Сыне, что сіе сотворил?
🎧77. О душе каждая вірна, ко Богу не лицемерна (песнопение)
LXXVIII. Ісусу, Единому премудРОму Богу
79. Благочестивый муж Туптало Сава
1. Христос есть глава
Христос есть глава, той главе уды —
Честною кровію искупленны люди.
Возри, колико разнствуют з собою,
Коль несогласны уды со главою.
Глава в терніи, уды в рожах ходят —
Христос страсть терпит, люди роскош плодят.
Обы роскошны уды студ познали,
Небы под тернем мягких рож желали.
2. Камо, сладкій Ісусе, съ крестом грядеши?
Камо (куда), сладкій Ісусе, с крестом грядеши?
На гору ли Голгофу, да (чтоб) Себе распнеши?
Аз Тя скверными в сердцу мыслми распинаю,
Сердце мое скверное Голгофу бысть знаю.
На Голгофу сердце ми, Христе, поспешися,
Да Тя не распинаю, в сердцу ми распнися.
Взем грех міра, носиш крест, аз смею просити,
Сам неси грехи моя, мне дажд крест носити.
Воистинну тяжек крест, но грех мой тяжчайшій —
Грех мой понеси, Христе, мне дажд крест легчайшій.
Не крест то Тебе, Христе, во странное время
Сице (так) долу преклони, грехов моих бремя.
Что всуе на выю Ти уже возложенно,
На волную (вольную) ли муку дабы Тя влеченно?
Не требе есть влещи Тя, волею грядуща,
На мя се вложи уже, ити немогуща,
Да аще (и если) и не хощу, влечеши з Собою,
Бым (чтобы) вкупе сораспялся, Христе мой, с Тобою.
3. Почто глава в терніи изволи ходити?
Почто глава в терніи изволи ходити?
Не достоя[й]ше ли ей злат венец носити?
Достоя[й]ше, но понеж Христос есть червленна
Рожа, власною крові<ы>ю в страстех обагренна,
А при роже обычне терніе бывает,
Тем взял терн, да, як рожа, в терніи процветает.
4. Вем, почто, Ісусе мой, в Египет грядеши
Вем, почто, Ісусе мой, в Египет грядеши —
Да вся египетскія ідолы сотреши.
Египтом ми есть душа, а ідолы — страсти,
В мой Египет вшед, вели идолом упасти.
5. «Где, о Мати, твоего подела-сь отрока?
«Где, о Мати, твоего подела-сь Отрока?» —
«В сердце и в ложих людій, сущих без порока».
6. «Дажд ми сосца, сосца дажд, о благая Мати!»
«Дажд ми сосца, сосца дажд, о благая Мати!» —
«И сосца и сердце зволь, сыну мой, пріяти». —
«О, коль сладок ми, Мати, сосец твой дражайшій!» —
«О, коль благ ми еси ты, сыне мой сладчайшій!» —
«Усладила мя еси, Мати, твоего сына». —
«Ты ми еси, сине мой, вес сладость едина».
7. «Востани, Славо Моя», — яко рекл Бог до Сына
«Востани, Славо Моя», — яко рекл Бог до Сына;
Кто з нас не признает, же добра новина.
Бо хот Его на три дни во гробе сховано,
Предся, яко послушний Сын, рекл: «Встану рано».
8. До каменнаго гробу, Христе, не кладися
До каменнаго гробу, Христе, не кладися,
В окамененном сердці моем положися.
Вем, же ест твердейшее над діямент — камень,
Которого не скрушит железо ни (и) пламень.
Еднак (проте), як діямент кровію ся скрушит
Козлею, так и мое сердце, скоро внушит
Тебе, Агнца, внутр себе, чаю, же ся може
Съкрушити кровію Твоею, мой Боже.
9. Двигаеш, о Христе мой, сам крестное бремя
Двигаеш, о Христе мой, Сам крестное бремя,
Облившися кровію в страстное время,
Извол мене приняти вместо киринея,
Бым (чтоб) тяготы допомогл Тебе нести сея.
10. В особах подорожных, кгды, Тро[й]це святая гостиш у Авраама
В особах подорожных, кгды, Тро[й]це святая,
Гостиш у Авраама, тылко (только) припадая,
АВРААМ с Саррою к снеди Тебе просит,
Ин же никто к Тебе свою прозбу вносит,
Моля в дом свой гостити; прето (проте) я, негодный,
Любо (навіть) в добродетели и сам есм голодный,
Прошу Тя, изволь вны<і>йти в дом душа моея,
Всего будет обилно з милости Твоея.
11. В матернем чреве
В матернем чреве, небы во мрачной темници,
Игралес, Іоанне, кгди твои зеницы
Еще, небы в зерцале, узреша прекрасну
Матер Божію, матер света, свещу ясну.
Играй ныне сугубо вышедши з темници,
Гды юж лицем ко лицу зрят Твои зреници
Две свещи, двое солнца, Матер и Отрока,
Иже Тя благословить, зарю без порока.
12. Аки плод некій красен, лице Твое, Боже
Аки плод некій красен, лице Твое, Боже,
На обрусе оставил еси нам; его же
Зде дух наси<ы>щается, егда на нь (него) взыраем,
Дажд нам, да ся и в небе его насыщаем.
Ужас на лице, творче мой, тя зрети,
Много на нем ран, како ми стерпети?
Понесый раны толикія, Христе,
Изми ж мя от ран греха, о пречисте.
На хребте Твоем, Христе, грешници делаша
И лице Ти чистое люте окаляша.
Грешный аз душу мою окалях грехами,
Дажд ю омыти сердца моего слезами.
О, кто не усумнится, зря толики раны,
За грехи всего міра в лице Христу даны.
Призырая на лице Господа Твоего
Буди терпети готов всем сердцем для Него.
Множество ран, о Христе, на лици носиши,
Много на сердцу мене терпети учиши,
Раны на лицу Твоем всяко ми ползуют,
Язвы на сердцу моем понеже врачуют.
Лице Ти, Христе, что тако язвенно?
Солнце ли аки мраком покровенно?
Солнце да светит, темность разганяет,
Твое же лице и во тме сіяет.
13. Образом сый человек, единородній Сыне
Образом сый человек, единородній Сыне,
Образ мя Твой обнови, Боже мой едине.
Ныне образ Твой вижду, потом же Т я живу
Дажд в небе вечне зрети пречистую Деву.
Зря Тя пресветла, Христе мой, сти<ы>ждуся,
Како аз темный лицу Ти явлюся,
Но Ты иссопом егда окропиши,
Мя пременшася воскоре узриши.
14. Не убоюся и в нощи падежа
Не убоюся и в нощи паде’жа:
Дева пречиста добра ми над’ежа.
И посред тмы та, аще ест со мною,
Засветит солнцем, звездами, луною.
15. О зачатіи Божіаго Сына Радуйся
О зачатіи Божіаго Сына
Радуйся, Дево, чистая, едина.
Аз же о Тебе радоватися буду,
Егда печали Тобою избуду.
16. Сердце ми, Христе, аду ест подобно
Сердце ми, Христе, аду ест подобно,
Страстем, яко бесом, жилище удобно.
Сей ад разорша разжденими (разженными) страсти,
Воскреси душу, не дажд ей болш пасти.
17. Божія Сына родиши без мужа
Божія Сына родиши без мужа,
Ногами главу попираеш ужа;
Ужа греховна снедает мя жало —
Сіе попери, бы мя не снедало.
18. Пред рождеством неврежденна
Пред рождеством неврежденна,
Дева Богу соблюденна.
Во рождестве; хощеш знати,
Кто сія есть Дева-Мати?
По рождестве паки чиста,
Сице всегда Дева иста.
Матерем и девам слава,
Венцы увенчанна глава.
На руку же имать Сына
Мати-Дева та едина.
Дево, чистоту ми дати
Изволь, храни же мя, Мати.
19. С орудіи страстными в серци седиши
С орудіи страстными в серци седиши,
Ісусе мой, да теми грехи мои казны<и>ши.
Казни грехи, но мене пощади самаго,
Да аз, злый, еднаго Тя знаю благаго.
Почто Тебе связанны, Ісусе мой, руце?
Да не возбраниши ли ся мучителем в муце?
Ни! Но да грешнаго мя не казниши, Боже;
Любов Тя Ттвоя ко мне связати возможе.
XX. Увы, мне, Сыне, увы мне, сладчайшій
Увы мне, сыне, увы мне, сладчайшій
Ісусе, увы, свете мой дражайшій!
Коли без милости Тя окровавленно,
Тебе тело, мне сердце уязвленно.
Где Тя, о чадо, имам положити,
И сама без Тя не могущи жити?
Да умру и аз, и во едином гробе
Телеса наша положатся обе.
XXI. Идеже творяшеся железо от блата
Идеже творяшеся железо от блата,
Тамо Дева вселися, дражайшая злата,
Да людем жестокіе нравы умягчает
И железні<ы>е к Богу сердца обращает.
Обуреваемым Ти<ы> пристанище, мати,
Ты не гнушаешися болных посещати.
Ты и мои немощи покрывати веси,
Тобою прогонятся и страсти и беси<ы>.
На персех ношу Твою икону святую,
МАРІЕ, обых Тя носил в сердци самую.
22. Богослове, умоли Слова воплощенна
Богослове, умоли Слова воплощенна,
Да не будет ми душа адом поглощенна.
Образ пасти<ы>ра добра, иже своя овца
Пасет добре, храняя от адского ловца,
Благословит рукою, усты мір вещает,
Во книгу пишет, под кров свой всех вомещает.
Се образ предобраго пастыря, смотрете,
А яже то сам творит, сія вы творете.
Усты мір всем глаголет, а благословляет
Рукою, никого же он не озлобляет.
23. Обед в небе Ты яси, Боже благодати
Обед в небе Ты яси (їси́), Боже благодати,
Изволь от столу Твоего крупици нам дати.
24. К Златоусту бренными устнами молюся
К Златоусту бренными устнами молюся,
Да от бремія моих грехов избавлюся.
25. Образ Девы Марія яже усмотрела
Образ девы Марія яже усмотрела.
Тройцу трема окнами еле иже имела.
С кровію излитою за Христа смешенный,
Сице та Дева внійде в чертог украшенный.
26. Варваро, от варварска храни нас находа
Варваро, от варварска храни нас находа (нападения),
Храни и от воздушных во время исхода.
27. Образ добра воина, до смерти страдавша
Образ добра воина, до смерти страдавша,
За любов Господа си, на раны ся вдавша,
Иже ребром збоденным явися ревнитель
Христовои страсти, и бысть врагов победитель.
28. В позорах древле копіи ношаху
В позорах древле копіи ношаху,
Ими же в перстень тироны лучаху.
Кто в большій перстень может улучити,
Яко ДИМИТРІЙ, в горнем крузе жити?
29. Даніил преподобный, на столпе стоящи
Даніил преподобный, на столпе стоящи,
Авксентій же во своей пещере седящи,
Здалече зряхуще, како оного Сімеона
Аггели до горнего несяху Сіона.
XXX. С[вятому] м[ученику] Севестіану
Зрите, что добрій сей страдалец деет,
За Господа си души не жалеет.
Стрелами имать тело устреленно,
Любовію же сердце уязвленно.
31. Под трупюю голову
Глава есм, но несм глава, ибо есм безгласна,
Уст, языка не имам, зренію ужасна.
Очес и ушес кроме есм ли убо что же?
Бех иногда еже бех, ныне же ничтоже.
XXXII. Преподоб[ному] Герасиму
При Иордане Герасим живяше,
Лев же оному, акы раб, служаше,
Плотскія в себе укротивый страсти,
Силен и зверы, яко овцы, пасти.
XXXIII. Преподобному Евстратію Печерскому
Кто может Христу сице быть подобный,
Яко Евстратій преподобный?
Христос бысть за ны на кресте распятый,
За него же взаем распят ся Евстратій.
XXXIV. Святому Игнатію
Некогда Даніил, в ров между лвы воверженный,
Яко снедь горка, оттол прошед неврежденный.
Игнатій, егда от лвов снеденный бывает,
Плястр то сладкій Богу ся на стол прекладает.
XXXV. От Патерика слово XIX о смотреніи
Отца Макарія брат некій вопрошаше:
«Како, отче, спасуся?» — Он же отвещаше:
«Буди мертв, ни досаждай и славы блюдися,
И во всем ты житіи, яко мертв, вменися,
Слеп, глух, нем, нечувствен будь, тако ся спасеши,
Егда, живя Богови, мірови умреши».
XXXVI. Там же. Рече авва Пімин
Создати инем храм, свой разорити,
Кую ползу си непщуеши быти?
XXXVII. От святаго Ніла. Глава LVIII
Брат вопроси отца
«Падох (пал) блаженне, что творити маю?» —
«Востани, чадо». — «Но втажде (снова) впадаю». —
«От тех же встани». — «Паки (снова) падох зело (то же)». —
«Паки востани, остави зло дело». —
«То докол будет сицевая (такие) брани?» —
«До скончанія, по падежи встани,
Елико паднеш, толико потщися (поспеши),
От паденія встани, не ленися.
Да всегда встающ Богом обретенный,
В чесом (в чем будешь) обретен, в том будеш сужденный (осужден)».
XXXVIII. От Патерика, глава XIII
Два брата в пустыне единой пребываху
И по Христе ся много оба подвизаху,
Но един подвижен бысть множайшими труди<ы>,
Другій обреташеся в трудех косен всюды.
И вселися в него Бог. Рци, ради коея
Вины первому не дал благодати сея?
Та вина, яко Богу проста сердца дело
Угоднейшое, неже многотрудно тело.
XXXIX. От того ж, глава XCVII
Свят некто, седя мног час, пребыт во восторзе,
По сем востав, паде ниц, плакаше надолзе.
Ученик вины плача отца вопрошаше,
Он же, седя и плача, не отвещаваше.
Стужившу ученику отвеща рыдая:
«Бых, — рече, — восхищенный до Божія рая,
Тамо некіх от мірян внутр видех вселенных,
Многих же инок рая вне сущих лишенных.
40. Рыдал би еси
Рыдал би еси, аще ведать бы возможно,
Яко сего месяця умреш непреложно.
Время весма безвестно, ты же ся смееши,
Неведый, аще един день сей поживеши.
Полунощ Христа вяжет,
Котрый грехи мажет.
Утреня в лице плюет,
Первый коронует.
Будет бок девятый,
Ждет вечерня снятый.
Сумрак провождает
И в гроб полагает.
42. Деянія святых апостол
1. Апостоли святыи в собраніи бяху,
обещанны силы свыше ожидаху;
И се в день пятдесятный шум велій бывает,
дух свят в языцех огненных схождает.
Діянія, II (1 — 4)
2. Петр со Іоанном хромца бедна устрабляют,
в милостины место нозе утверждают.
Діянія, III (1 — 7)
3. Ананія часть цены села утаил есть,
прочее пред апостол ноги положил есть.
Петр, духом лжу мужа увидев, обличает,
он, пад, издше, и жене тожде ся случает.
Діянія, V (1 — 10)
4. Стефан свят каменми убіен бивает,
Савл рыз страж на дело то соизволяет.
Діянія, VII, 58; VIII, 1
5. Філип евнуха вере правды научил ест,
и [з]севши с колесници, во пути крестил ест.
Діянія, VIII (39)
6. Савл иде в Дамаск христіан искати,
на различни муки оны предаяти.
Но бысть глас: «Савле, Савле, что мя гониши?»
Он же: «Господи, что ми творити велиши?»
Діянія, IX (3 — 7)
7. Петрови плащеница с небесе свесися,
притчею не презрети еллин наставися.
Корниліев посланник его приглашает,
он, шед, самаго и весь дом его крещает.
Діянія, X (11 — 48)
8. Петр всажден во темницу, среде стражей спаше,
церков о нем молитву прилежно творяше.
Аггел его возбудил, от уз свободил есть,
провед мимо две стражи, церкви возвратил есть.
Врата железна сама себе отверзоша —
сіе молитвы верных у Бога могоша.
Діянія, XII (4 — 10)
9. Павел хрома рожденна в Листрех исцеляет,
народ Ермія Бога быти его вменяет.
Варнаву паки Діа жреци пріидоша,
телци има на жертвы тучны приведоша.
Но Павел с Варнавою того возбраняет,
единаго Бога быти Творца всех вещает.
Діянія, XIV (8 — 15)
10. На Милите-острове при огни седоша,
иже си сокрушившу кораблю спасоша,
Ехидна Павла в руку усекнула бяше,
человекоубійцу всяк его непщеваше.
Егда же, отрас ю во огнь, без вреда явися,
от несмысленных еллин за Бога вменися.
Діянія, XXVIII (1 — 7)
43. Вірши семдесяти и двом апостолом
Седмдесят двох апостол имена святыя,
Аще кто не весть, убо да увесть, суть сія:
Іаков, брат Господень; Клеопа избранный;
Симеон, сын Клеопы, в чин апостолск званный;
Фаддей, едеска князя з струпов очистивый;
Ананія же, Павла верховна крестивый;
Стефан первострадалец и Филип діакон,
Истолковавый красно каженику закон;
Прохор, Никанор, Тимон, Пармена, Варнава,
Благ вестник Марко, Сила, и его же слава;
В благовестіи Лука и Силуан мирный,
Крискент, Крисп, и Епенет, и Андроник верный;
Аліплій, Урван, и Стахій, Апеллій послушный,
Апполос, Аристовул, Наркис благодушный.
Іродіон провидец, Аггав, Руф избранный;
Асцисрит, Флегонт, Ермин, Патров богоданный;
Ірма, Лин, и Гаіе, і Філолот с ними,
Лукій, і Ассон, по сем и Сосипатр с теми;
Тертій, Ераст, и Кифа, Сосфень в тойжде славе,
Тихин, и Епафродит, Марко, свой Варнаве;
Ісус, наречен Іуст; Климент, и Артема,
Онисифор, Куарт, Карп, со ними же трема;
Евод, Аристарх; Марко, Іоан реченный;
Филимон, Зина и Пуд, Трофим посеченный,
Онисим, и Фортунат, Тимофей, Тит славный,
Епафрас, Архіпп, Кондрат, Олим православный;
Ахилла, Діонисій, и по смерти чудный;
А Симеон Нігер лик кончит многотрудный.
Седмдесят двох апостол, их же молитвами,
Боже, милостив буди над грешними нами.
Николая з апостол, апостата бывша,
И Дамаса, нынешній век сей возлюбивша,
Такожде и Фіггела с Ермогеном, в новой
Благодати противных науце Христовой,
З седмидесят апостол лика извергаем,
В молитву и помощ тех мы не призи<ы>ваем.
Яко ниже в соборных празнуем Іюду
Лстиваго, но Матфія честна чти[м] повсюду.
44. [Вірші на Апокаліпсис]
1. Іоанн в остров Патмос елма заточися,
сын человеч в восторзе оному явися,
Имеяй седмь звезд в руце и меч испущенный
из уст, между светилник седмію ставленный.
Апокаліпсис, І (9 — 16)
2. Бог-Отец на престоле седяше проявленный,
двадесят и чети[ы]рми старци[ы] окруженный,
Іже, егда зверіе чети[ы]ри пояху
пресвятое пеніе, ници припадаху,
Венци своя под нозе Господни кладуще,
«Достоин еси, Боже, взяти честь» — зовуще.
Апокаліпсис, IV (2- 11)
3. Егда агнцем печать шеста решена бяху,
с луком, с мечем, с мерилы яздци исхождаху.
Смерть с косою, вслед ея огнен ад идяше,
души под престолом, звезд спаденіе бяше.
Апокаліпсис, VI (12 — 13)
4. Егда седмая печать агнцем разрешися,
от четырех аггелов пременно трубися,
Всяк глас горе новое міру возвещаше:
по первой, кров, град и огонь на землю падаше;
По втором, огненная гора низвалися;
по третіем, звезда пелын в воды низпустися;
По четвертом, в светилех тма свет помрачаще,
еще ин «Горе, горе, горе!» — вопіяше.
Апокаліпсис, VIII
5. Воструби аггел пятій — звезда низвалися
и бездны з дымом пругов множество пустися,
Смертно язвящих воды; также вострубил есть
шестый и на Ефрате-ріці разрешил есть
Четверицу аггелов, готовых изыйти,
третію часть человеков во мире избыти.
Апокаліпсис, IX (1 — 15)
6. Лицем солнечный аггел в облак облеченный,
на главе дуга, столпы низу утвержденный.
Богом кленется, яко время се кончает,
Иоанну книжицу еже снести дает.
Апокаліпсис X (1 — 9)
7. Енох со Іліею будут прорещати
в конци веков и люди к Богу увещати.
Змій-антихрист иматся в Сіоне убити,
но в день третій хощет Господь оживити;
Речет «Взыйдете семо и будете взяти
на небо зрящим врагом яко мужи святы».
Апокаліпсис, XIII
8. Звер лют грядет из моря, злых сонм знаменует,
первая антихриста глава изявляет;
Ин из земли исходит со агнчими рогами,
оба будут хулы ригати устнами.
Сей лжепророк огнь сведет, люди убоятся,
не писанніи в небе зверем поклонятся.
Апокаліпсис, XVI 1
1 Зміст цього вірша ближчий до XVII глави «Апокаліпсиса».
9. Град великій Вавилон огнем согоряет,
скоро, яко жерновный камень, упадает.
Плачут его царіе, купцы, художници,
рибаріе и девы и корабленницы,
Яко прибытков своих не могут стяжати
никто, ясти в нем и ликовати.
Вавилон же сонм людій злочестивых являет,
их же погибель в конци веков ожидает.
Апокаліпсис, XVIII
10. Аггел змія связанна в бездну вовергает,
егда Христос демоню силу укрощает.
Той по тысящи годищ паки разрешится,
ибо во антихресте зело укрепится,
Соберет безчисленны на всю церков рати,
но судія воскоре казнь хощет воздати.
Апокаліпсис, XX (1 — 10)
11. Іерусалим новый наконец явися
Іоанну святому и зело светися
Небесными красоты; несть лет описати
доброты его ниже помыслов отбяти.
В том Бог людем си верным жилища готует,
сам в неприступней славе вовеки царствует.
Апокаліпсис, XXI (10)
XLV. О преподобном Лаврентіи Печерском
Лаврентій преподобный над духи нечисты
Име власть, и принуди беса исповести,
Яко в Лавре тридесят святых отцов бяше,
От них кождо словом беса изгоняше.
Со иными же всеми беси брань творяху,
А ко пещере ниже приступить смеяху.
Тем, кто хощеши от них себе свободити,
Потщися часто ко пещере приходити.
XLVI. Преподобному Антонію Печерскому
В Любечу народился, Бога возлюбивый,
И у меты зань весь мір Антоній вменивый
В Святую Гору пойде, горняя мудрствуя,
Приближитися к Богу зело усердствуя,
В отчество пришед, отец духовен бысть чадом,
Обители устроив по различным градом,
В Кіеве, в Чернігові и в Любечу, камо
Плотски рожден, духовне иных роди тамо.
А найпаче в Кіеви, инок собрав лики,
Авва им бысть, показа подвиги толики:
Ископав пещеры, в них погребеся живо,
Мертв міру, жив Богови, таков мертвец диво;
Таже на живот преиде, с пещернай темници,
Идеже лицем к лицу зрят Бога зеници.
И его же любил есть, того видит ясно,
А о нас его молить дерзновенно гласно.
47. На образ всех преподобніх печерских, вколо с[вятаго] креста написанных на стене в церкви Честнаго креста
Над ближнею пещерою
Егда Господь наш распят на Голгофе бяше,
Тогда мало при кресте его кто стояше,
Точію з Іоаном пречиста мати,
Прочіи потщашася от стража бежати.
Ныне же, о, коль мнози окрест креста сташа:
Все тыи, иже Христу себе сораспяша.
Антоній, Феодосій, а с ними толико
Преподобных печерскіх, звезд в небе елико.
Все, вземше крест свой, спешно за Христом пойдоша,
Распнешеся со страстми, мирови умроша,
Ныне же со Христом живут, з аггели співають,
А телом при сем храме Кресном почивають.
Над дверми, до святои пещери воводящими
Увидите, як Господь удивляет,
Преподобных сих чудесмы вславляет.
Рая херувим хранит, а та — места,
Над херовимов честнейша невеста.
Сокровища зде лежать многоценны,
Святых печерских телеса нетленны.
Кто хощеш быти богат в благодати,
З верою тщися семо притекати.
48. Христос зраненый
На хребте Твоем, Спасе, грешници делаша,
Сами ран достойныи — Тебе раны даша.
Аще толь многи даны Безгрешному раны,
Коль многи сами будут грешныи караны!
XLIX. На Христову главу страстную
Зайде доброта Твоя, сладчайшій мой свете,
В остром тернію кровію очервленній цвете.
Ланиты заплеваны, уста желч пріяша,
Власы терзаны, очи слезы изліяша.
Аще и муками Ти лице помраченно,
Аще и желчію Тя, Христе, огорченно,
Обаче теми еси, паче всех краснейшій
И паче всех сладкостей Ти<ы> ми любезнейшій.
50. Ко Магдалине, плачущей у ног Христовых
Глагол грешного:
Уступи, Магдалино! от Христову ногу,
мне даждь место: аз имам о гресех скорбь многу.
Уже твои скверны слезами очищенны
и беззакония ти уже отпущенны.
Аз еще валяюся в греховной тине:
аз хощу у ног Его искати простине.
Уступи, о жено, от ногу Христову,
да и аз милость Его обрящу готову.
Уже ты их довольно слезами омочила
и прощение грехам твоим получила.
Аз еще хощу Ему упасти на нозе
и, яко грешник, больше рыдати на мнозе.
Уступи, Магдалино, возлюбившая Христа нелестне
и припадшая к Его святей плесне!
Уже ты до сытости сердце усладила,
лобзанием любезным Тому угодила.
Аз хощу к любимому мне припасти Богу
и лобзать усердно чисту Его ногу.
Ответ Магдалинин грешнику:
Всем щедр есть Господь наш; всех вмещает нетесно,
всех приемлет, всем рад, всех любит, веждь известно.
Аще бы со всего мира зде притекали люди,
у ног Христа моего нетесно им буди.
Вкупе убо со мною ног Его имися,
аз о моих, о своих ты грехах молися.
Перевод на русский (Красимир Георгиев):
Дай мне место, Магдалина, у Христовых ног,
чтобы их омыть слезами бедный грешник мог.
Ты уж плакала довольно, ты уж плачем усладилась,
ты очистилась от скверны, ты любовью просветилась.
Я ж, несчастный, и доселе прокажен грехом,
Опоясан поношеньем и покрыт стыдом…
Близкий к смерти, прихожу я к милосердью Божья Сына, –
Так у ног Его пречистых, дай мне место, Магдалина!
Магдалина:
Милосердьем беспредельным наш Господь богат:
Всех Он любит, всех зовет Он, всех принять Он рад.
Пусть все люди соберутся, – у Него не будет тесно, –
Так любовь Его обильна, дом велик Его небесный!
Станем плакать лучше вместе при Его ногах:
Есть всегдашняя услада в плаче о грехах.
Грешник и Магдалина у ног Спасителя (из журнала Воскресное чтение, 1837 г. №3)
Греш.: Мария, уступи мне место! Ты уже довольно плакала у ног своего Спасителя; а я еще ни разу не омочил их своими слезами, я, который всегда прогневлял и оскорблял моего Господа.
Магдал.: Мне ли перестать плакать? Семь злых духов терзали один мой грешный дух и Он всех их изгнал словом своим! Семь адских бездн разверзались подо мною;— и Он все закрыл их своею десницею!
Греш.: Но слезы неприличны помилованным: это доля моя и подобных мне грешников. Мария уступи мне мое место!
Магдал.: Ты не знаешь блаженства слез; ты не ведаешь еще силы любви: кому много отпущено, тот много любит; а кто много любит, тот много, много плачет. Мне ли перестать плакать?
Греш.: Но ты уже прощена; а я еще под клятвою! Ты у лона любви, а я ― в оковах греха!— Когда же мне перестать быть игралищем страстей, жертвою ада? — Довольно я скитался на стране чуждой; пора возвратиться домой! Довольно работал я врагу губителю; время начать служить Творцу Спасителю! Мария, уступи же мне место!
Магдал.: Зачем? у Христа Бога моего никому не тесно. Хотя бы со всего света люди пришли к Нему, Он всех приемлет, всех врачует, всем рад. Падем вместе к стопам Его, и будем плакать и молиться оба: ты о своих, а я о моих грехах. Голос двух кающихся слышнее на небе.
Греш.: Из глубины воззвах к Тебе, Господи! Господи, услыши глас мой! (Псал . 129, 1). Изведи из темницы душу мою исповедатися имени Твоему (Псал.141, 8).
Магдал.: Щедр и милостив Господь, долготерпелив и многомилостив: не до конца гневается, и не вовек негодует. Не по беззакониям нашим сотворил нам, и не по грехам нашим воздал нам (Пс.102, 8-10).
Спаситель: Грядущего ко Мне не изжену вон! Придите ко Мне все труждающиеся и обремененные, и Я успокою вас (Мф.11, 28). Омойтесь, очиститесь; удалите злые деяния ваши от очей Моих; перестаньте делать зло (Ис.1, 16).
Греш.: Итак, Ты не отвергнешь моего покаяния?― Ты хочешь спасти меня?―О, Господи, спаси же! О, Господи, поспеши же! Твори со мною, что Тебе угодно; посылай, если то нужно, казнь за казнью; только не погуби меня со беззакониями моими, только созижди во мне паки сердце чисто, и обнови дух прав во утробе моей!
Спаситель: Вера твоя спасла тебя. Прощаются тебе грехи твои (Мф.9, 22). Вот, ты выздоровел; не греши больше, чтобы не случилось с тобою чего хуже (Ин.5,14).
Греш.: Благослови, душе моя, Господа, и вся внутренняя моя имя святое Его!
Магдал.: Благослови, душе моя, Господа, и не забывай всех воздаяний Его!
Греш.: Очищающего все беззакония твоя.
Магдал.: Исцеляющего вся недуги твоя.
Греш.: Венчающего тя милостию и щедротами.
Магдал.: Исполняющего во благих желание твое. (Псал. 102, 1-4).
Греш. и Магдал.: Хвали душе моя Господа! Восхвалю Господа в животе моем; пою Богу моему, дондеже есмь.
LI. Стоя посреде, семо и овамо
Стоя посреде, семо и овамо (туда и сюда)
Смотрю и не вем, обрящуся камо (куда):
Зде сладкій Іисус язвою питает,
Зде сосець девич млеком напаяет.
52. Каков Василій, Ефрем молитствует
Каков Василій, Ефрем молитствует —
Небо огненным столпом извествует.
Но и сам Ефрем столп огненный бяше —
Пламенем любве Божія горяше.
53. О убогом и богатом, молящимся в церкви
Два внійдоста во церков, но не единако:
Ов (иной) просте имать к Богу сердце, ов (иной) опако (наоборот).
Прост(р)е к Христу ум вперен нища и убога;
Разсеян имущаго стяжанія многа.
Бог же сам весть когождого сердечныя бездны:
Тщи у него богати<ы>, нищи небезмездны.
Тебе оставлен нищій, милосерде Боже,
Ты му част, ибо в мире не имат ничтоже;
Несть сокровищ, в них жебы сердце углубити,
И что ино, разве тя, имать возлюбити?
Убо, егда предстоит в молебну годину,
Возносит ум и сердце к Тебе едину.
Не тако богатый, но разнствовати зрится,
Аще и прилежно зде молитися мнится:
В дому злато и сребро, разлычні<ы>я служби<ы>,
Тамо дела, овамо пировні<ы>я дружбы,
Всюду же прілпе сердце, ум имать мысль многу,
Убо усты молится, несть же сердца к Богу.
54. Бытія, XV
Ною обважившуся сын ся Хам ругает,
Сим же сын со Афетом нагость покрывает.
Цар Давид гуслы держит, не всуе играет
Славу Богу, и теми из уст воздавает.
LVI. На кресте мой сладчайшій Ісус протяженный
На кресте мой сладчайшій Ісус протяженный
Лук то на стреляніе вижу напряженный;
Пять язв в нем — суть то пять стрел, готовых карати;
Но на кого, Христе мой, будеши стреляти?
На врага ли? То аз враг, на мя сія стрелы
Испусти, дабы ся в сердце мое ся унзили (вошли).
Теми сладце язвенный греху умрет мушу,
Ты же в любов плениши сердце ми и душу.
57. Призри на лице Христа твоего Ісуса
Призри на лице Христа твоего Ісуса,
Еже сам изобрази, прилож до убруса,
На желаніе верно царя Агавара,
Ему же посла вместо многоценна дара.
Мнози царіе прежде желаше то зрети,
Но не могоша сего дара получити.
Блаженная очеса царя православна
Се зде зряще и в небе узрят Бога явна,
В трех лицех единаго царя над царами,
Его же зрети царск есть венец над венцами.
58. В столпе облачном к людем глаголавый
В столпе облачном к людем глаголавый
Столпа огненна вожда огнем давый.
К столпу каменну от тех привязася,
За добродейство от злых зле воздася.
К древу вяжут лозу винограда,
Инако лозу божественна сада —
К столпу каменну люте привязаша,
Плоть, яко грозд здрелу, нещадно резаша.
59. Незлобіе Господне в ярость пременися
Незлобіе Господне в ярость пременися,
Понеже Церков его купли наполнися.
Вервом гонит торжников з дому молитвенна,
Да не будет з куплею молитва смешенна.
О, аще бы яве зде пришел еси, Христе,
Изгнал бы и отсюду всех таковых исте.
Торжников, иже входят на молитву к Богу,
Не молби<ы>же, но куплю содевают многу,
Друг к другу беседует, что где купил бяше,
Что предал, что приобрел, торг добр имеяше,
Тех бы всех едни<ы>м бичем изгнати
Из церкве — молитвы ест зде место, не купли гадати,
Места торжников в церкви зря опроверженны
От Господа, и вся вон купли изверженны,
Убойся, человече, в церков входящій:
И не молящійся, но с други молвящшій:
Да не постраждеши ты лютейшое горе —
Опровержет тя Господь с домом, с местом вскоре.
I. Вышнею благодатію во сытость упоен,
глубиною мудрости обилно исполнен,
О благодати горней Дамаскин мудрствует,
Благодатному орлу в след путешествует.
V. Іоанн Дамаскин, цел душею святою,
От икономах же быв усечен рукою,
От Матере ся Слова паки исцеляет
И, пиша имя Сына, ея прославляет.
VIII. Святый Іоан Дамаскин, з Богом начиная
И споспешеством духа книгу скончевая,
З Сыном Матери Божой хвалу возсылает,
Песнословити и нас всегда научает.
61. Ілія, Сидонскую страну шествующе
Ілія, Сидонскую страну шествующе,
Прійде в дом единоя жены, сетующе,
Яко сын ея умре; но он ревность к Богу
Имея, печаль в радость премениши многу:
Абіе язык удом мертва прилегает
И так сумантяниня сына воскрешает.
62. Петру, до Іопіи в проповедь пришедшу
Петру, до Іопіи в проповедь пришедшу,
Предлагают сродници девицу умершу,
С плачем сетующе; но он, ради многа
Народа предстояща, молитствуяй Бога,
Внезаапу Тавифу мертву воскрешает
И сим чудом в вере народ утверждает.
63. Павел, егда Христова закона учаше
Павел, егда Христова закона учаше,
Премнози ся народы к нему сохождаше.
Случися до помощи протязати слова;
Тогда он от трикратна мертв спаде покрова.
Павел, хотя паче мір в вере утвердити,
Потщался темжде словом мертва воскресити.
64. Спасеніе Христос на кресте содеявый
Спасеніе Христос на кресте содеявый,
Тоежде Андрееви в образе давый.
Христос в Іюдеи закона учаше,
Андрей в Кіевских горах благодать вещаше.
Христос тамо изволи на кресте страдати,
Андрей зде креста благость водрузи сіяти.
LXV. ИжЕ в РунЕ инОгда прообразованна
ИжЕ в Руне (Руно орошенное) инОгда прообразованна,
Милости сОтворшего НАс всеХ зде написанна,
Душею И МыслИю Ту книжку пРІЙмете,
САми ей Внимающе И другим проЧтіте.
(Иеромонах Димитрий Савич)
LXVI. «Книга отверзеся, яже есть живота» (Апокалипсис, 20)
Аще кая писмена испытати требе,
Хотящим живот вечный з тех стяжати в небе,
Житій святых найпаче требе чести книгу
И в благом животдавца труждатися игу.
Живот и животдавец, сам Ісус, творити
Начат, житіем своим первее учити:
Тако и все святыи житіем учиша,
Делами своих житій книгу сочиниша,
Во трудех от юности до кончины бяху,
Алфа нам и омега тако прописаху.
Слово Божіе живо в них бе и действенно,
Сіе писменам Книги Житій их свойственно.
И едина іота не бе оставленна,
Вся десять заповедей от них исполненна.
Ісуса распятаго мудрость их бе знати,
Пять язв его з мудрыми девы размышляти.
Пять словес умом тако чтуще глаголаша,
Аки пять книг Моисеа в едину собраша
Книгу Житій, своими делы исправленну,
Юже ее зде зрети есть типом отверзенну.
В ней же бытіе святых подвижное в міре
И исход смертный живших в делотворной вере.
И левитскія жертвы служба преходяща,
Дух сокрушен и сердце Богу приносяща.
И числа сил и даров, данных святым многа,
Исчитаемых лучше з числом звезд от Бога.
И второзаконіе жизни второй вечной
Пишется их, что в книзе Моисейской приличной.
Но не по ветхой сени, в новой благодати
По книзе сей и жити требе и читати.
Тако чтый сію Житій Книгу есть блаженный,
С Книги Живота вечна не будет сотренный.
LXVII. ИзсохшЕ нам се Руце орОси, о мати
ИзсохшЕ нам се Руце орОси, о мати
Маріе, ОбильНАя в водаХ благодати,
Душам, палИМИам сТРастИ огнем, свишше чашу
Студенои подАждь ВодИ, пеЧаль видя нашу.
(иеромонах Димитрий Савич)
68. О иконе чудотворной Ил[л]инской Черніговской
Тысяча шестьсот шестьдесят второго року,
яко Христос родися от чистаго боку,
В монастыру Иллінском икона плакаше
Девы, да и человек не скачет являше,
Аще не бы Девая слез до Сына за ны
приносила, имели быхом многи раны;
Но яко виде слезы, и Бог ужалися,
тем же и бысть, яко враг от нас удалися.
Всуе слез Мати Твоя да не истачает,
запрети, скиф християн да не погубляет.
Аще и в самой церкви татарове беша,
но обаче иконы сея не видеша,
Уже и ко самому дерзнуша престолу,
и вся иконы в церкви поверзоша долу,
Един обаче образ Девы у пророка
во всех приключившихся избит без порока.
Братія вся от страха в пещеру бежаша,
юже трудолюбіем своим соделаша,
Тамо же ходотайством присно Девы здравы
пребиша, хваляще ю, яко матер славы,
Дверми до них татаре прійти не могоша,
бо непроходиму двер — Деву — обретоша.
Множества чудесем образ сей соделовает,
не исходит тощ, кто в нем веру полагает;
Глухим слух отверзает, хромим дает ноги,
безумних умудряет, чуда творить многи.
Бесноватих без числа присно свобождает,
недужних возставляет, слепих просвещает,
И коим ли недугом кто изнемагает,
притекая ту, туне целбу почерпает.
Тем вси до Ил[л]инской Девицы теціте,
спасет от бед, точію «Помилуй!» реціте.
Іл[л]инская Девице, внегда сама за ны
плачеши, Сын твой будет милосердний на ны;
Ты плачеши аз за ны, мы возвеселимся,
егда от всяких скорбій и бед свободимся.
Имаши манастир Ил[л]инский и лишше,
о чом радоватися дано тебе свышше;
Имаши, игумене, в чесом ся хвалити
со всею братіею и радостен быти,
Егда благоизвол Бог твой веку
даровати благодать людем си велику.
Зосим Маріею зде болшею ся любит
яве, яко со старцем Бог Марію любит,
Им же образом пчели до улій летают,
сице ко Девы чистой вси да прибегают;
Царіе к ней да текут, она им корона
по временной вечная горняго Сіона.
Тысяща щит у Девы, гетмане, спешися,
даст победу воинству, токмо помолися.
Не косны много, кождий во своей потребе
бежи ко ней, будеши воистинну в Небе.
69. Кіевокалекскія (О горе мне, грешнику сущу) есть (песнопение сокращенное и с некоторыми изменениями)
(Исп. RELIGIMUZ)
О горе мні, грішнику сущу,
Горе, благих діл не имущу!
Како пред суд Божій явлюся?
Како со святыми вселюся?
Отступих от Бога злобою,
Гріхолюбив сам сый собою,
Темность паче світла кохаю,
Світла Благодати не маю.
— Совлекох первыя одежды,
Божія лишихся надежды.
Се моя одежда и діло
Убивает душу и тіло.
Отъидох далече на страну,
От рожец питатися стану.
Дому чужд небеснаго Владыки,
Недостоин жити с человеки.
— Временная предпочитаю
А о славе вечной забываю.
Что ж я имам, бедный, сотворити,
Егда Бог пріидет всех судити?
Пойду же я прежде дня судна
И представлю дела моя блудна;
Пойду пред Отцем умилюся,
Да не Его пищи лишуся;
Пійду и реку Ему сміло:
«Согрешах Ты, Отче мой, зіло!
Прими мя, заблудшаго сына,
Як Твого наймита єдина!
70. Взирай с прилежаніем, тленный человече (песнопение)
Взирай с приліжаніем, тлінный человече,
Како вік твой преходит, и смерть недалече:
Готовися на всяк час, рыдай со слезами,
Яко смерть тя похитит, с твоими делами:
Ангел же твой хранитель тебе извествует,
Краткость жизни твоей перстом показует:
Текут времена лета во мгновеніи ока,
Солнце скоро шествует к западу с востока:
Содержай меч мщенія во своей деснице
Увещает тя всегда и глаголет сице:
«Убойся сего меча, отсель покайся,
Да не посечет тебе, зело ужасайся!»
Пріидите, людіе, в вере просвещенни,
Тецыте во святый храм, кротцы и смиренни!
71. Господи мой, ярость Твою не покажи надо мною
Господи мой, ярость Твою
не покажи надо мною,
О жестоком гневе Твоем
не суди мя в гресе моем!
Господи мой, стрелы Твоя
поразиша сердце моя,
Всяк час на мне рука Твоя,
обетшаша кости моя.
Несть-бо мира в костех моих
от ярости очес Твоих:
Грех мой видех предо мною,
превосходящ главу мою.
О тяготе на мне грех мой,
яко видех, Боже, гнев Твой:
Озлоблен бых и смирихся,
ко нищете преложихся.
Возлюбило сердце мое,
на всякий час творя злое.
В нутри моем полно злаго,
не видимо, что есть благо.
И сотворих многу злобу, Господи мой, пред Тобою.
Прости, Боже, гріхи моя, что сотворих пред Тобою.
Не остави мене, Боже, но всегда буди со мною.
Господи мой и Спасе мой, Ты ми вонми в помощ мою.
LXXII. Добраго воя цареви избранна
Добраго воя цареви избранна,
Иисусу Христу врагов непопранна,
Мученик славу Димитріа чтемо
И песней венец ему соплетемо.
Тріумфуй вечне над врагом соборы,
Радуйся между ангельскія хоры.
Иисусе яко сладка возлюбивый
И за честь его душу положивый:
Чашу спил смертну в любовь ражденный,
Агнец за агнца умер заколенный;
Ребра копіям любезно предавый,
Христу с любовію славно сострадавый
Не отрини нас, воине избранный,
От полков иде же еси сочетанный;
Врагом всем мире ты сотеры главу,
Господа твоего пришедый в славу
Стани в помощь всегда воруженный,
Копіем крестом стани возлюбленный;
Іменоносцу ту долго здравствует,
И вечне в небе с Христом да царствует.
LXXIII. Зрящи Сина, поносной смерти [о]сужденна (плач Богородицы)
Зрящи Сина, поносной смерти [о]сужденна,
От ближних и знаемых весьма оставленна,
Зрящи Сына своего в ланиты біема,
По лицу ругаема и заплеваема
Пребысть во многих слезах Маріа едина:
Зрящи тяжки болезни страждущаго Сына
Воскоре узре на крест Сына возложенна,
Острыми гвоздми в руце, нозе прободенна.
«О Сыну, познай матерь без меры плачевну,
Твоих ради страданій сердцем уязвленну!
О смерти пресладкая, воскоре прибуди,
Утеши мя, плачевну, не тщи твори труди!»
Желаю купно С сыном живот умертвити.
Сладко есть с Ним умрети, горко не с Ним жити.
Воспримут Матерь Сына, его же убисте,
Ни единой пощады со Мною иместе.
Не пріемши от людей Мати прошенія,
Простирает прилежно к Сыну моленія:
«О Сыну умершвленны, вся можеш творити,
Аще с тобою ныне возмогу умрети,
Испусти глас любезны к матери плачевной,
При кресте мне стоящей от всех оставленной.
Да вселиши мя в крови с тобою вовеки,
В радости пр[и]сносущней Сына, Тебе, зрети!»
74. Имам аз своего Иисуса моего (песнопение)
Имам аз своего Иисуса моего,
Не творил-бо есмь благаго любве ради Его.
Егда б аз возрасл и руце бых вознес,
Даждь ми, Господи Исусе, да бы аз лет дошел.
А егда лет дойду, в монастыр аз пойду,
Тако ми, благій Исусе і монахом буду.
Буду Тя хвалити и сердцем блажити,
Господа превысокого, Царя Небесного.
LXXV. Нас деля (ради) распятаго Марія видящи
Нас деля (ради) распятаго Марія видящи:
«Ах, увы, чадо мое, — вопіет, слезящи, —
Тя, болезненна уединенна
Зрящи на древе, и аз язвленна!
Сердце ми от болезни сродзе (люто) омлевает (обомлевает)
И о меч страстей Твоих сіе прободает.
Уврачуй раны, за мир скаранны, (покаренный)
Бог, спасти міра з неба призванны,
Утеш мя, матерь Твою, восстаніем Своим,
Да прочее мне не знойне (жгуче) горит утроба,
Юже в рождестве соблюде в девстве,
Сохранив целу и по рождестве,
И ныне подаждь радость печалному сердцу,
Да не вянет лепота в девическом венцу.
Прекрасны крине, слове едине,
На радость мира воскресни, Сыне!»
LXXVI. О возлюбленны Сыне, что сіе сотворил?
О возлюбленны Сыне, что сіе сотворил?
Сетование в радость Матере претворил.
Рцы, пресладки Иисусе, сыне возлюбленне[ый],
Язвенны без милости и от всех збавенне[ый]!
Живот души моей, что не глядеши
И единаго слова почто не речеши?
Лишенна есмь утехи, лишенна отрады.
Ни единой имею во слезах прохлады.
Изволила под крестом Ты, Дево, стояти —
Благоволи милость мя под Свой кров пріяти,
Произобилны слезы Ты, Дево, изліяла,
Егда со Иосифом Христа погребала.
Хощу слезы изліять, без Тебе не могу,
Помози ми, Маріе, простри руце к Богу!
С Твоим сыном, Маріе, хощу воскреснути,
Буди со мною, Дево, дажд в мире уснути!
77. О душе каждая вірна, ко Богу не лицемірна (песнопение)
О душе каждая верна,
ко Богу не лицемерна,
Призри на Христа едина,
Бога превечнаго Сына,
Смотри на кресте распята,
немилосердно пропята,
Без милости уязвленна
и всего окровавленна,
Присмотрися приклоненной
главе венцем уязвленной,
От острых остей терновых
и ударени[й] суровых
Очи кровію залиша,
з жажды уста смажны быша,
Вся жилы в нем растерзаша,
святую кров ізліяша.
Смотри, душе, якою
куплена еси ценою:
Бог все сокровище свое
дал за спасеніе твое.
Должен всяк человек зрети,
яко недолго зде жити:
Тысяща лет не долгота
противу вечна живота.
Тим же грехов ся хранимо,
Христа Иисуса любимо —
Он нам даст зде смерть чистую,
а по смерти жизнь вечную.
LXXVIII. Ісусу, Единому премудРОму Богу
Ісусу, Единому премудРОму Богу,
МалОумНий. воздАю о всіХ славу многу.
Давшому И сію Мені ИсТоРІЙ спасенных
Списать вторую Книгу, в честь слуг Божественных.
(Иеромонах Димитрий)
79. Благочестивый муж Туптало Сава
Благочестивый муж Туптало Сава,
Запрожскаго войска честь и слава,
В Богоявленскій день отверсту небу
Восшествія тамо совершил потребу,
В третій час на день третьяго року
Семь сот тысящна — з троична кроку,
В троичном кирильском почи чину,
Душею Тройцы лице да зрит выну.
В віку сем добре жил сто и три літа;
Обы сторичну взял мзду троична світа.